Naomi Parker

Naomi Parker
	;
Bizitza
Jaiotzako izen-deiturak	Naomi Parker
Jaiotza	Tulsa, 1921eko abuztuaren 26a
Herrialdea	Ameriketako Estatu Batuak
Lehen hizkuntza	ingelesa
Heriotza	Longview (Washington), 2018ko urtarrilaren 20a (96 urte)
Jarduerak
Jarduerak	zerbitzaria, makinista eta langilea

Naomi Parker Fraley (Tulsa, Oklahoma; 1921eko abuztuaren 26a - Longview, Texas; 2018ko urtarrilaren 20a) armagintzaren zerbitzari eta langile estatubatuarra izan zen Bigarren Mundu Gerran.^[1] Nahi gabe inspiratu eta J. Howard Miller diseinatzailearen modelo izan zen We Can Do It! (“egin dezakegu”) kartela sortzeko, Rosie the Riveter.

Biografia[aldatu | aldatu iturburu kodea]

Zortzi neba-arrebaz osatutako familia batean hazi zen. Parker familia Alameda hirian bizi zen, Kalifornian, Estatu Batuak 1941ean gerran sartu zirenean. Naomi Parker eta Ada, ahizpa gazteena, Alameda aireontziaren-basean lan egiteko kontratatu zituzten. Bertan, atera zion argazkiaJ. Howard Millerrek. Bere laneko uniforme urdinagatik nabarmentzen da, baita bere ile luzeak makinek har ez ditzaten segurtasunagatik daraman puntu zuridun banda gorriagatik ere. Millerrek jantzi honi eta bere ezaugarriei heldu zien aurrerantzean ikonografikoa izango zen kartela marrazteko.

Gerra ostean, zerbitzari gisa lan egin zuen Kaliforniako Palm Springseko jatetxe batean. Hiru aldiz ezkondu zen. We Can Do It! kartelaren ospea gorabehera, anonimoa izan zen, Millerrek ez ziolako inoiz kreditua eman inspirazio-iturri gisa.^[2]

We Can Do It! kartela eta bere modeloaren inguruko nahasketa[aldatu | aldatu iturburu kodea]

Haren erretratua Rosie the Riveter klixeen seriean sartzen da, J.Howard Miller diseinatzaile grafikoak sortutakoa. Estatu Batuetako sei milioi emakumeren sinbolo aberkoia bihurtu zena. Emakume horiek armamentuaren industrian lan egin zuten, frontean borrokatzen ziren gizonak ez zeudenean. Irudi hori, aurrerantzean, emakumeen emantzipazioaren ikono izan zen, emakumeek, ordura arte gizonek bakarrik egindako lanetan jardun zutelako.^[3]

Luzaroan, irudiaren eredua Geraldine Hoff Doyle izan zen, Míchigango langile bat. Naomi Parkerrek, beraz, ez zuen kartelaren ospeaz gozatu.

2011n, James J. Kimble Seton Hall Unibertsitateko irakasleak, ikerketa luze baten ondoren, kartel ezagunaren benetako modeloa identifikatu eta erakutsi zuen. Kimblek Naomi Parker eta haren ahizpa Ada aurkitu eta elkarrizketatu zituen 2015eko otsailean, 93 eta 91 urtekoak, hurrenez hurren, eta bere azterketa berretsi zuten, akats historiko bat zuzenduz. Parkerrek, orduan, ospe berantiarra lortu zuen.^[4]