Nijō gaztelua

Nijō gaztelua
	二条城
	UNESCOren gizateriaren ondarea
	Aintzinako Kyotoko monumentu historikoak; 100 Fine Castles of Japan
	Irudi gehiago
Kokapena
Estatu burujabe	Japonia
Japoniako prefekturak	Kyoto
Izendaturiko hiria	Kyoto
Japoniako auzoa	Nakagyō-ku
Koordenatuak	35°00′51″N 135°44′51″E / 35.014166666667°N 135.7475°E
Historia eta erabilera
Taisei Hokan
Nijō Castle Meeting
Jabea	Government of Kyoto City (en)
Komisarioa	Tokugawa shogunerria
Arkitektura
Eraikitzailea	Nakai Masakiyo (en)
Materiala(k)	zurra
Azalera	27,5 ha
Gizateriaren ondarea
Erreferentzia	688-017
Eskualdea	Asia eta Ozeania
Izen-ematea	bilkura)
Irekiera egunak	egunero
	Webgune ofiziala
	↑ UNESCOk egindako sailkapenaren arabera ;

Nijō gaztelua (japonieraz: 二条城, Nijō-jō^?) Japoniako gaztelu historikoa da, Kyoton dagoena. Aintzinako Kyotoko monumentu historikoen artean sartu zuen UNESCOk Gizateriaren Ondare izendatzerakoan.

Historia

Tokugawa shogunerriaren sortzaile izan zen Tokugawa Ieyasushogunak 1601ean Japonia mendebaldeko jauntxoei eskatu zien donazioak egin zitzatela Kyoton Nijō gaztelua eraikitzeko. 1626an bukatu ziren lanak. Tokugawatarrek Edo hiria zuten egoitza nagusi eta haren aberastasunaren lekuko izan zedin Kyoton zituzten lurretan gaztelu ederra eraikitzea izan zuten helburu, enperadoreak ikus zezan.

1750an Tenshu eraikina tximista batek jo eta erre egin zen. 1788an Kyotoren zati bat erre zuen suteak Nijōren barnealdea suntsitu zuenean eraikina hutsik geditu zen eta Kyotoko jauregi inperialaren menpe gelditu zen. 1893an printzearen egoitza bihurtu zen. 1939an Kyotoko udalari eman zitzaion eta honek publikoari ireki zion.

Egitura

Solairu bakarreko egurrezko gaztelua da 275.000 m² oinarria duena, hauetatik 8.000 m² eraikinek estaltzen dute.

Harresiak

Bi harresi eraztun ditu eta hiru ate gaztelura sartzeko. Barneko eraztunak Honmaru jauregia eta lorategiak biltzen ditu. Oin karratuko harresiaz gain putzu bat ere badauka. eta eraztun bien artean Ninomaru jauregia, sukaldeak, gaurdien etea eta lorategiak daude.

Kanpoko harresia.

Ninomaru jauregia

Ninomaru jauregia (japonieraz: 二の丸御殿, Ninomaru Gōten^?) bost eraikinez osaturik dago, beren artean konektaturik daudenak. Barnea oso dekoratua dago, egur landua eta urrezko orriak dituena Tokugawatarren aberastasunaren erakusgarri. Margolanak Kanō eskolak egindakoak dira.

Eraikin hauetan bulegoak eta ganberak zeuden eta shogunek bisitariak eta jauntxoak hartzeko eraikina ere bertan dago.

Egurrezko tarimak uguisubari izena du eta oinez zapaltzerakoan txorien txioak diruditen soinuak ateratzen ditu. Sorpresazko erasoa ekiditeko asmaturiko teknika izan zen.

Karamon atea.
Jauregia.
Shoguna jauntxoak hartzen.
Jauregiaren oinarria.
Sabaia.

Honmaru jauregia

Honmaru jauregia (japonieraz: 本丸御殿, Honmaru Gōten^?) 1.600 m²-ko azalera du lau zatitan banatuta: bizilekuak, harrera eta aisialdi gelak, sarrera eta azkenik sukaldeak. Eraikinak korridorez konektatuta daude.