Oihaneder Euskararen Etxea
Oihaneder Euskararen Etxea Gasteizen (Araba) euskararen alde jarduerak bultzatzeko gune bat da. 2014ko urriaren 17an ireki zuten. Etorkizunean egin nahi duten Kafe Antzokiaren lehen fasea da proiektu hori.[1] Euskara ardatz, euskarazko adierazpide artistiko ororen erakusleiho izateko bokazioarekin jaio zen. Euskal eragile, euskaltzale, kulturagile eta kulturazaleen etxea izan nahi du. Erreferentziazko topagunea, sorgunea eta formaziorako gunea.
Euskararentzako arnasgune berri bat da. Euskaratik abiatuta gainontzeko hizkuntza eta kulturei ateak parez-pare zabaldu nahi dizkie.
Hamar urtez luzatu ziren Udaletxeko eztabaidak proiektua onartu zuten arte;[1] 2014ko urriaren 17an abiatu zen egitasmoa.
Egun Euskararen Etxea Gasteizko Montehermoso jauregian kokatuta dago eta proiektuari osotasuna emango dion Kafe Antzokiaren kokapena eta kudeaketa planaren eztabaida mahai gainean dago.
Lazarraga Kultur Elkartea[2] arduratzen da Oihanederren kudeaketaz, eta eragileekin elkarlanean dihardu.
Ikus, gainera[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ a b Nerea Ibarzabal, «Euskarak badu etxea Gasteizen: Oihaneder», Argia, 2014-10-17, CC-BY-SA lizentzia
- ↑ Lazarraga Kultur Elkartearen webgunea
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q20492497