Okapi

Wikipedia, Entziklopedia askea
Jump to navigation Jump to search
Okapi
Okapi2.jpg
Iraute egoera

Arriskuan (IUCN 3.1)
Sailkapen zientifikoa
ErreinuaAnimalia
FilumaChordata
KlaseaMammalia
OrdenaArtiodactyla
FamiliaGiraffidae
GeneroaOkapia
Espeziea Okapia johnstoni
P. L. Sclater 1901[1]
Hedapen mapa
Okapi distribution.PNG
Datu orokorrak
Haurdunaldia 14,5 hilabete

Okapi (Okapia johnstoni) Okapia generoko animalia da. Artiodaktiloen barruko Giraffidae familian sailkatuta dago. Fosil biziduntzat jotzen da, Miozenon agertutako lehenengo girafidoen antza handia duelako. Kongoko Errepublika Demokratikoko iparraldeko oihanetan bizi da. haren generoko kide bakarra da.

Morfologia[aldatu | aldatu iturburu kodea]

Jirafaren antza du, baina hankak eta lepoa motzagoak ditu. Ilaje gorrixka du gorputz osoan, hanketan eta ipurdian izan ezik. Atzeko aldetik, ipurdia eta hankak zuriak eta beltzak ditu, zebrenen antzekoak.

Jirafek bezala, okapi arrek bi adar dituzte buruan, ilez estalita. Okapiak mihi luzea du zuhaitzetako eta zuhaixketako hostoak jateko. Mihiak 20-30 cm-ko luzera du eta kolore urdinxka. Hain luzea dute mihia, ezen belarrien barrualdea garbitu dezaketen mihiaren puntarekin. Okapiek 1,90 - 2,15 m-ko luzera izaten dute helduaroan eta 1,50-1,70 m-ko altuera. 250-300 kg-ko pisua izaten dute.

Nahiko animalia bakartiak dira. Araldian baino ez dira elkartzen edo kumeak zaintzen dituztenean. Emeak kume bakarraz erditzen dira 435 eta 445 egunen arteko ernaldiaren ondoren, 15 hilabete gutxi gorabehera.

Kumea emea bada, bi urterekin garatuko da; arra bada, ordea, lau urterekin. Kumeak oso gazteak direnean, ezin dute bereizi beren ama beste emeengandik, eta beste okapi batek adopta dezake kumea ama hil bazaio. 30-35 urte bitarteko bizi-itxaropena dute.

Garatuen duten zentzumena usaimena da. Kumeak hainbat hots desberdin egiten dituzte amarekin komunikatzeko. Helduak, berriz, ia mutuak dira, hotsak ernaltzeko bakarrik egiten dituzte .

Okapiak belarjaleak dira. Ehun landare espezietako hostoak eta zurtoinak jaten dituzte. Espezie horietako batzuk pozoitsuak dira gizakientzat.

Populazioaren egoera[aldatu | aldatu iturburu kodea]

Kongoko Errepublika Demokratikoko Aruwimi-ko oihanetan bizi dira. Mundu osoan 10.000-20.000 okapi geratzen direla jotzen da. UICN-k dioenez, espezie kaltebera dela, baina hori bakarrik estimazioa da, ez dagoelako nahiko daturik. Segurua da haien bizilekua gerra zibilen erasoa jasotzen ari dela eta, beraz, habitata suntsitzen ari zaiela.

Erreferentziak[aldatu | aldatu iturburu kodea]

  1.   P. L. Sclater (1901), 1, 1901, Proc. Zool. Soc. Lond., 50. orrialdeak .

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Okapi Aldatu lotura Wikidatan
Wikispezieetan bada informazioa gehiago, gai hau dela eta: Okapia_johnstoni

Ikus, gainera[aldatu | aldatu iturburu kodea]