Okinotorishima

Wikipedia, Entziklopedia askea
Okinotorishima
Okinotorishima2.png
Bertako izena沖ノ鳥島
Geografia
KokapenaFilipinetako itsasoa
Uharteak deneraAtoloi bat eta uhartetxo bi
Azalera7,8 km²
Punturik garaiena1,5 m.
Politika
Herrialdea Japonia
PrefeturaTokio
Gizartea
Biztanleria0 bizt.


Okinotorishima[1] edo Okinotori uhartea[1] (japonieraz: 沖ノ鳥島 Okinotori-shima?) Japonian hegoaldeen kokaturiko uhartea da, 20°25′32″N 136°04′52″E / 20.42556°N 136.08111°E / 20.42556; 136.08111koordenatuetan, Tokiotik 1.740 kilometrotara eta Oki Daito uhartetik 534 kilometrora hego-ekialdean (gertuen dagoen Japoniar uhartea). Administratiboki Minami Ioshima uhartearena da, 567 kilometrora.

Japonieraz urrun dagoen txorien uhartea esan nahi du eta Minamitorishimaren ondoren uharterik urrunena da. Hiru uhartetxo txiki ditu bere baitan:

  • Higashikojima (東小島, "Ekialdeko Uhartetxoa", azalera 1,6 m²)
  • Kitakojima (北小島, "Iparraldeko Uhartetxoa", mendebaldean, azalera 6,4 m²)
  • Minamikojima (南小島, "Hegoaldeko Uhartetxoa", uharte artifiziala)

Uharte hauek 10 edo 20 zentimetro ateratzen dira uraren gainetik marea gora dagoenean, koral uharri baten aintziraren barruan. Badago beste laugarren arroka bat ekialdean.

Japoniak uharte izatea nahi du baina Txinak eskubide hori ukatu eta oraindik gatazkan dago. Japoniarentzat uharte balitz 430.000 km2 izango lituzke esplotazio komertzialerako. Japoniak hala ere milaka euro erabili ditu higadura ekidin eta eraikuntzak sortzeko.

Uhartea lehenengo aldiz Miguel Lopez de Legazpi zumarragarrak aurkitu zuen 1565an eta Parece Vela uhartea[1] izena jarri zion.

Erreferentziak[aldatu | aldatu iturburu kodea]

  1. a b c Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-11).

Kanpo estekak[aldatu | aldatu iturburu kodea]