Osasun iturria (margolana)

Osasun iturria (margolana)
Jatorria
Sortzailea(k)	Eugenio Arruti y Pola
Izenburua	Osasun iturria
Ezaugarriak
Dimentsioak	96 () × 142 () cm
Genero artistikoa	paisaia margolaritza
Egile-eskubideak	jabetza publiko
Kokapena
Lekua	San Telmo Museoa
Bilduma	San Telmo Museoa

Osasun iturria Eugenio Arruti González-Pola margolariaren Donostiako paisaia da. Luancon (Asturias) jaioa, Donostian bizi izan zen eta hiriaren paisaien margolanak egin zituen. Gaur egun hiriko San Telmo museoan ikus daiteke. Margolanaren data ez da ezagutzen; XIX. mendeko bigarren erdikoa izango da.

Deskribapena

Urte haietan Urumea ibaia bideratu gabe zegoen eta Amara auzoan hezeguneak sortzen zituen. Margolanean, ezkerrean, ibaia ikus daiteke. Eskuinean iturria dago eta bertan gazte bat ura edaten ari da. Gertu emakume talde bat dago, ura eramaten. Atzean San Bartolome komentua ikus daiteke. Argiaren eta itzalen efektuak garrantzitsuak dira. Margolanaren neurriak 96x142 zm. dira.

Aukeraketa

Osasun iturria izan zen Donostiako San Telmo Museoak 2012ko urriaren 18 eta 19an Euskadiko Orkestraren kontzertuetan Kursaal Auditorioko hallean ikusgai egon zedin aukeratutako margolana. Donostiar museoarekin adostutako lankidetza honekin Orkestrak, Modes Mussorgskyren Erakusketa bateko margolanak interpretatu zuen. Ekimenaren helburua artea beste formatutan kontzertu aretoetara eramatea zen.

Kanpo estekak

• Datuak: Q116446971