Ozeano Barearen ipar–mendebaldeko zuhaitz-olagarro

Inguru hauetan bizi omen da olagarro arraro hau (Olympic National Forest).

Ozeano Barearen ipar–mendebaldeko zuhaitz-olagarro (Pacific Northwest Tree Octopus) interneten bidez Lyle Zapatok 1998an sortutako iruzurra da. Horren arabera animalia arraro hau desagertzeko zorian zegoen eta salbatzeko laguntza eskatzen zuen.

Biologia

Gezurrezko zefalopodo espezie hau "Octopus paxarbolis" izenarekin batailatua izan zen ("zuhaitz-olagarro"). Sortzaileak adierazi zuen arabera animalia gauza zen uretan eta lehorrean bizitzeko. Haren bizileku nagusia Ameriketako Estatu Batuetako Washingtongo Olympic National Forest zen, hango baso eta ibaietan. Ibaietan, alegia, arrautzak jartzen zituen. Olagarro honen harrapari nagusia Oin Handi zen (Sasquatch).

Gezurraren zantzuak, beraz, nabarmenak dira. Hala ere, jende askok benetakoa bezala hartu zuen zuhaitz-olagarro. Ondorioz, laster hasi ziren zabaltzen gezurrezko argazkiak eta muntaketak.

Literaturan

Terry Pratchett zientzia-fikzio idazleak idatzitako Nation eleberrian olagarro hau benetako izango balitz bezala agertu da.

Kanpo estekak

• (Ingelesez): Webgune ofiziala

• Datuak: Q550326