Parviscopa
Parviscopa | |
---|---|
Sailkapen zientifikoa | |
Erreinua | Animalia |
Filuma | Petalonamae (en) |
Generoa | Parviscopa [[|]] |
Parviscopa Garai Ediakarikoan bizi izan ziren fosilen genero bat da. 580 eta 560 milioi urte artean bizi izan zen. Espezie bakarra ezagutzen da, Parviscopa bonavistensis.
Aurkikuntza eta etimologia[aldatu | aldatu iturburu kodea]
2008 urtean aurkitu zen Ternuako Bonavista penintsulan dagoen Mistaken Point aztarnategian. H. J. Hofmann, S. J. O'Brien eta A. F. King paleontologoek deskribatu eta izendatu zuen[1]. Aztarnategi honetatik kanpo ez da beste inon aurkitu oraindik.
Parviscopa izenak "adaxkaz egindako erratz txikia" esan nahi du. Espeziearen bonavistensis izena aldiz aurkitu zen penintsularen omenez ezarria da[2].
Deskribapena eta bizimodua[aldatu | aldatu iturburu kodea]
Parviscopa organismo sesila zen, lurrean itsatsita bizi zen eta uretan aurkitzen zituen elikagaiak hartzen zituen, iragazketa edo osmosi bidez. Horrelako organismoak bizi ziren tokia sakonegia zen izaki fotosintetikoek kolonizatzeko[3]. Bizpairu zentimetrotako luzera zuen. Ediacarako bizidun sesilek luma itxurako egitura bazuten ere, Parviscopak zuhaitzen tankera zuen. Honek egiten du berezia.
Taxonomia[aldatu | aldatu iturburu kodea]
Fosil gutxi batzuk aurkitu dira eta beraz oraindik ez da filum zehatz batean kokatu. Primocandelabrum-ekin erlazionatu izan da[4], baina honek oina iltzatzen den disko basal bat agertzen du eta Parviscopak ez[2]. Zientzilari batzuek Parviscopa Primocandelabrum-en forma jubenila dela proposatu izan dute[5].
Erreferentziak[aldatu | aldatu iturburu kodea]
- ↑ «Fossilworks: Parviscopa bonavistensis» fossilworks.org (Noiz kontsultatua: 2019-04-14).[Betiko hautsitako esteka]
- ↑ a b (Ingelesez) King, A. F.; O'Brien, S. J.; Hofmann, H. J.. (2008/01). «Ediacaran biota on Bonavista Peninsula, Newfoundland, Canada» Journal of Paleontology 82 (1): 1–36. doi: . ISSN 0022-3360. (Noiz kontsultatua: 2019-04-14).
- ↑ «ScienceDirect» www.sciencedirect.com (Noiz kontsultatua: 2019-04-14).
- ↑ (Ingelesez) Narbonne, Guy M.; Mason, Sara J.. (2016/03). «Two new Ediacaran small fronds from Mistaken Point, Newfoundland» Journal of Paleontology 90 (2): 183–194. doi: . ISSN 0022-3360. (Noiz kontsultatua: 2019-04-14).
- ↑ Liu, A. G. (2011). Understanding the Ediacaran Assemblages of Avalonia: A palaeoenvironmental, taphonomic and ontogenetic study. Doctoral Dissertation, University of Oxford..