Perlak
| Perlak | |
|---|---|
| Datuak | |
| Jatorria | Zarautz (Gipuzkoa) |
| Musika mota | indie, postpunk |
| Urteak | 2013 -2018 |
| Taldekideak | |
| Maite Martiarena Patxi Agirre Ilargi Agirre Oihane Abarrategi | |
| Lehengo taldekideak | |
| Miren Narbaiza | |
| Informazio gehigarria | |
| https://www.facebook.com/perlakband/ https://perlak.bandcamp.com/ | |
  | |
Perlak musika talde zarauztarra da, 2013an sortu zena indie post-punk eszenaren baitan. Intentsitatea, hurbiltasuna eta berehalakotasuna dira taldearen ezaugarririk nagusienak, sentikortasun handiko tarte gordinak eta ilunak, pasadizo samurrekin konbinatzen dituztela[1].
Oihane Abarrategi (teklatua, gitarra, ahotsa), Patxi Agirre(baxua, ahotsa), Ilargi Agirre (bateria) eta Maite Martiarena (ahotsa, gitarra, teklatua) taldearen sortzaileak dira. Lehenengo kontzertuak Nagore Etxabe bateria-jolearen laguntzarekin eman bazituzten ere, laster lotu zitzaien Ilargi, taldea osatuz. [2]
Laukoteak lehenengo lana grabatu zuen Mungiako GAUA estudioan Aitor Abio eta Asier Zubelzurekin, 2013aren azaroan.
2014an, Perlak lehenengo lanaren aurkezpena egin zuten Udaberrifest jaialdian Zarautzen eta Gaztea Maketa lehiaketako finalera heldu ziren epaimahaiak aukeratuta.[3] Etenaldirik gabe jo zuten urte osoan zehar, herri eta auzoetako jai, kontzertu areto, gaztetxe eta jaialdietan. Urtea Durangoko Azokan kritika oso onak jaso zituen diskoa presentatuz itxi zuten. [4]
2015ak aldaketak ekarri zituen taldearentzat, Oihane ama izan zen eta bere ordez Miren Narbaiza (Napoka Iria, M I C E) taldean sartu baitzen. Oihaneren azken kontzertua Elkar Estudioa Sesioak saioetarako taldeak Elkarrentzat eta Hamaika Telebistarentzat grabatutako zuzenekoa izan zen Perlak (Zuzenean).[5][6] Urte berean , Nagore Etxabek zuzendutako lehen bideoklipa atera zuten, "Olatu" [7] eta Emakumeen Mundu Martxako abestia egitearen ardura hartu zuten “Bandera moreak”, Uxue Alberdiren testua musikatuz. [8][9]
2016ko udaberrian grabatu zuten bigarren estudioko lana, Itzaletatik. Horretarako berriro ere GAUA estudiora itzuli ziren, Aitor Abio eta Asier Zubelzurekin. Itzaletatik, Donostiako Le Bukowskin eta Bilboko Kafe Antzokiko Kutxa Beltzean aurkeztu zuten eta jarraian kontzertu ugari jo zituzten. Kritika onak jaso zituen bigarren disko honek ere.[10] Gainera, Intxorta 1937 Elkarteak eskatuta, emakume errepresaliatu eta erresistenten omenez kantua sortu zuten, "Isilpeko Hitzak".[11]
2017an Mirenek taldea utzi eta Oihane Perlakera bueltatu zen. Mirenen azken kontzertua Kilometroetan taldeak egin zuen emanaldia izan zen. Jatorrizko laukoteak kontzertu batzuk eman zituen, besteak beste, Mekfest eta Jazpana jaialdietan eta taldearen bigarren bideoklipa aurkezten zuten, Nagore Etxaberen gidaritzapean hau ere, "Emakume Kuantikoa". [12]
2018aren abenduan, bost urteko ibilbidea eta gero, Perlaken aroa bukatutzat ematea erabaki zuten Ilargi, Patxi, Oihane eta Maitek eta horrela jakinarazi zuten sare sozialen bidez.
Partaideak[aldatu | aldatu iturburu kodea]
- Maite Martiarena, ahotsa, gitarra, teklatua, koruak
- Patxi Agirre, ahotsa, baxua, teklatua, koruak
- Ilargi Agirre, bateria, koruak
- Oihane Abarrategi, ahotsa, gitarra, teklatua, koruak[13]
Diskografia[aldatu | aldatu iturburu kodea]
- Perlak (2014)
- Elkar Estudioa Sesioak - Perlak (Zuzenean) (2015)
- Itzaletatik (2016).
Erreferentziak[aldatu | aldatu iturburu kodea]
- ↑ «Perlak» KATAPULTA - Plataforma 2017-02-13 (Noiz kontsultatua: 2018-03-08).
- ↑ Urolakosta Hitza. Perlak musika taldea. (Noiz kontsultatua: 2018-12-18).
- ↑ EiTB. Gaztea maketa lehiaketa 2014: concierto de Perlak. (Noiz kontsultatua: 2018-12-18).
- ↑ (Gaztelaniaz) «Noticias música indie» MondoSonoro 2014-09-28 (Noiz kontsultatua: 2018-12-18).
- ↑ elkarargitaletxea. Elkar Estudioa Sesioak - Perlak. (Noiz kontsultatua: 2018-12-18).
- ↑ elkarargitaletxea. PERLAK - Elkar Estudioa Sesioak - Aurrerapen bideoa. (Noiz kontsultatua: 2018-12-18).
- ↑ tagore doremi. Perlak - Olatu [official clip 2015 [SD 480p]. ] (Noiz kontsultatua: 2018-12-18).
- ↑ EHko Emakumeen Mundu Martxa. Bandera moreak - Perlak. (Noiz kontsultatua: 2018-12-18).
- ↑ Bandera moreak. (Noiz kontsultatua: 2018-03-08).
- ↑ (Gaztelaniaz) «Perlak - Crítica de "Itzaletatik (2016)» MondoSonoro 2016-07-05 (Noiz kontsultatua: 2018-12-18).
- ↑ intxorta1937. “ISILPEKO HITZAK” Perlak (Intxorta 1937 Kultur Elkartea). (Noiz kontsultatua: 2018-12-18).
- ↑ tagore doremi. Perlak - Emakume kuantikoa (official clip 2017). (Noiz kontsultatua: 2018-12-18).
- ↑ Perlak. (Noiz kontsultatua: 2018-03-08).
Kanpo estekak[aldatu | aldatu iturburu kodea]
Datuak: Q61364324