Pokhara

Wikipedia, Entziklopedia askea
Hona jauzi: nabigazioa, Bilatu
Pokhara
पोखरा
 Nepal
Pokhara from peace stupa.jpg
Pokhara, Bakearen Estupatik ikusita.
Administrazioa
Herrialdea  Nepal
Zona Gandaki Gunea
Nepaleraz पोखरा
Posta kodea 33700 (WRPD), 33702, 33704, 33706, 33708, 33713
Geografia
Koordenatuak 28° 12′ 35″ N, 83° 59′ 07″ E / 28.209722222222°N,83.985277777778°E / 28.209722222222; 83.985277777778Koordenatuak: 28° 12′ 35″ N, 83° 59′ 07″ E / 28.209722222222°N,83.985277777778°E / 28.209722222222; 83.985277777778
Pokhara hemen kokatua: Nepal
Pokhara
Pokhara
Pokhara (Nepal)
Azalera 30 km²
Altuera 900 m
Demografia
Biztanleria 353.841 bizt.
Dentsitatea 6.318,59 bizt/km²
Informazio gehigarria
Sorrera 1962
Telefono aurrizkia 061
Ordu eremua UTC+05:45
http://pokharamun.gov.np/

Pokhara (nepaleraz पोखरा) Nepalgo bigarren hiria da 293.696 biztanlerekin (2008). Katmandutik 198 km mendebaldera kokaturik dago, Gandaki Gunean, Phewa lakuaren ertzean eta 784 metrotako altueran.

Historia[aldatu | aldatu iturburu kodea]

Tibet eta Indiaren arteko merkatal ibilbide garrantzitsuan egon da beti. XVII mendean Nepal osatzen zuten 24 erresumen arteko indartsuenetako baten parte zen, Kaski erreinuaren parte, eta garrantzi berezia hartu zuen 1752an erregeak Bhaktapur eta Pokhararen arteko merkataritza indartzea erabaki zuenean. 1786an Nepalgo Prithvi Narayan Shah bere erreinura batu zuen.

1959 eta 1962 artean Txinak Tibet inbaditu eta 300.000 errefuxiatu iritsi ziren Nepalera. Pokharan lau kanpaleku zabaldu ziren eta gaur egun kanpaleku haiek auzo bihurtu dira. Pokhara herri mistikotzat jotzen zen, oinez baino ezin zen bertara iritsi eta kultura desberdinek bat egiten zuten herri txikia baitzen. 1968an errepidea bertara iritsi zenean herria azkar hasi zen handitzen. Gaur egun Nepalgo bigarren herri turistikoena da.

Klima[aldatu | aldatu iturburu kodea]

Datu klimatikoak (Pokhara, 1960-1980)
Hila Urt Ots Mar Api Mai Eka Uzt Abu Ira Urr Aza Abe Urtekoa
Erregistraturiko tenperatura maximoa (°C) 22.0 28.2 33.1 37.4 35.0 33.4 32.4 32.4 31.0 29.8 27.0 23.3 '
Batez besteko tenperatura maximoa (°C) 18.8 21.2 26.4 29.8 29.6 29.6 29.1 29.0 27.8 25.6 22.8 19.5 25.8
Batez besteko tenperatura (ºC) 12.6 13.6 19.2 22.6 23.8 24.8 25.0 25.0 24.0 21.2 16.8 13.3 20.2
Erregistraturiko tenperatura minimoa (°C) 1.8 3.0 5.0 6.0 8.0 12.0 13.0 13.8 15.9 10.4 4.0 3.9 '
Batez besteko tenperatura minimoa (°C) 6.4 6.0 12.0 15.4 18.0 20.0 20.9 21.0 20.2 16.8 10.8 7.1 14.6
Pilatutako prezipitazioa (mm) 26 25 50 87 292 569 809 705 581 224 19 1 3388
Iturria: Sistema de Clasificación Bioclimática Mundial[1]

Turismoa[aldatu | aldatu iturburu kodea]

Hiritik Dhaulagiri (8.167m), Manaslu (8.156m) eta Annapurna (8.091m) zortzi milakoak eta Machapuchare (6.993m) mendiak ikus daitezke eta ondorioz Pokharak mendizale turismo handia du. Lakuaren ertzean dagoen Lakeside Tourits Area mendiko arropen dendaz, garbitegiz eta bizarra kentzeko eta masajeak emateko tokiz beteta dago, izan ere bertan bukatzen baita Annapurnaren trekkinga. Pokharak hartzen dituen turisten erdiak trekking hau egiten du. Taberna, jatetxe eta ostatu ugari ere badaude.

Lakuaren ertzeko mendixka batean Shanti Stupa (Munduko Bakearen Estupa) dago eta ikuspegi itzela dago bertatik.

Pokharatik 80 kilometrotara, Gandaki Gunean bertan, Bandipur herri newaria dago.

Hezkuntza[aldatu | aldatu iturburu kodea]

Pokharak Unibertsitatea du eta bertan hiru fakultate daude:

Erreferentziak[aldatu | aldatu iturburu kodea]

  1. NEPAL - POKHARA AIRPORT (in Spanish). Centro de Investigaciones Fitosociológicas. Retrieved 6 October 2012.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Pokhara