Quibi

Quibi
Datuak
Mota	webgunea, bideo emankizun zerbitzua eta over-the-top media service (en)
Agintea
Zuzendari exekutiboa	Meg Whitman
Egoitza nagusi	Los Angeles
Historia
Sorrera	2018ko abuztua
Sortzailea	Jeffrey Katzenberg
Sorlekua	Los Angeles
Desagerpena	2020ko urriaren 21a
webgune ofiziala

Quibi Los Angelesen, Kalifornian, egoitza duen forma laburreko bideo streaming-eko plataforma da, bereziki telefono mugikorretan ikusteko pentsatua, bai teknikoki, baita ekoiztu dituen eduki propioen egikeran. 2020ko apirilean jarri zen martxan mundu mailan, baita Euskal Herrian ere. Hedabide eta kazetari batzuek honela definitu dute: sakelakoetako Netflix edo Netflix txikia.

Harpidetza bidez funtzionatzen du, eta ohiko prezioa 8,99 euro hilean da Europan.

Quick bites hitzen hasierekin osatu dute izena, eta euskaraz hozkada azkarrak edo mokadu azkarrak gisa itzul daiteke.

Edukiak

Ikus-entzunezko pilulak eskaintzen ditu, ekoizpen propioak eta esklusiboak oro jar, hamar minutu baino gutxiagokoak. Edukiak ingelesez dira, eta azpidatzietan ez dago euskarazko aukerarik. Irudia berez moldatzen da ikuskatze bertikaletik horizontalera, eta alderantziz: akzioa eta diseinua prestatua dago bideo bakoitzean bi moduetan ikusi ahal izateko.

Entretenimendua da plataformaren oinarria. Haren eskaintzak hiru oinarri ditu: ataletan banatutako telesailak eta dokumentalak; eta egunean jakin beharrekoak. Azken horien artean daude albisteak eta bizimoduari buruzko bideoak.

Enpresa

Enpresa 2018an eratu zen eta bi urtez jardun zuen aplikazioa lantzen, edukiak ekoizten, eta akordioak erdiesten partaide eta inbertsoreekin. Sortzaile nagusia da Jeffrey Katzenberg, Dreamworks ekoiztetxearen fundatzaileetako bat (Steven Spielbergekin eta David Geffenekin batera) eta Disneyko goi kargudun izandakoa; eta bestetik, Meg Whitman, eBay eta Hewlett-Packard erraldoi teknologikoetako nagusi izandakoa.

Inbertitzaileek mila milioi dolar inbertitu zuten enpresaren lehen bi urteetan.ç

Erreferentziak

• Datuak: Q65073105