Ran (filma)

Wikipedia, Entziklopedia askea
Jump to navigation Jump to search
Ran (filma)
Filma
Jatorrizko izena
Urtea 1985
Generoa gerra-filma
Herrialdea Japonia
Frantzia
Ameriketako Estatu Batuak
Jatorrizko hizkuntza japoniera
Iraupena 160 minutu
Kolorea koloretakoa
Grabazio lekua(k) Japonia
Zuzendaritza eta gidoia
Zuzendaria(k) Akira Kurosawa
Gidoigilea(k) Akira Kurosawa
Antzezlea(k)
Tatsuya Nakadai
Akira Terao
Jinpachi Nezu
Daisuke Ryu
Mieko Harada
Peter
Kenji Kodama
Hitoshi Ueki
Jun Tazaki
Hisashi Igawa
Mansai Nomura
Yoshiko Miyazaki











Ekoizpena
Ekoizlea Serge Silberman
Edizioa Akira Kurosawa
Ekoizpen-diseinatzailea Yoshirō Muraki
Bestelako lanak
Musikagilea Toru Takemitsu
Argazki-zuzendaria Takao Saito
Asakazu Nakai
Masaharu Ueda
Jantzi-diseinatzailea Emi Wada
Sariak
Kanpo loturak

Ran (?, esanahi anitzeko hitza: batetik "matxinada", "altxamendua" edota "errebolta", bestetik "istilua", "asaldura", "nahasmena" edo "kaosa") 1985eko Akira Kurosawa japoniarr zinema zuzendariaren filma bat da. Hain zuzen ere, 1985eko maiatzaren 31an Tokioko Zinemaldian estreinatu zen.

Filma Mōri Motonari japoniar daimyō-aren kondairan oinarritzen da, William Shakespeare ingeles antzerkigile ospetsuaren Lear Erregea tragediaren egokitzapena ere badelarik.

Filma honek Jantzi-diseinu onenaren Oscar Saria irabazi zuen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Filmak antzina oso boteretsua zen Ichimonji klanaren gainbehera kontatzen du, familiako buruzagia den Hidetorak (Tatsuya Nakadai) erresumaren kontrola bere hiru semeen artean banatzen duenean: Tarō, Jirō eta Saburō (Akira Terao, Jinpachi Nezu eta Daisuke Ryu). Tarō, anai nagusiari, Lehenbiziko Gaztelu prestijiotsua ematen zaio eta Ichimonji klaneko buruzagia bilakatzen da, aldi berean Jirō eta a Saburōri Bigarren eta Hirugarren Gazteluak ematen zaizkielarik. Jirō eta Saburok Tarōri babesa ematera beharturik daude, eta Hidetorak bere agindua semeei gezi multzo baten bidez adierazten die. Gertakari hau Mōri Motonariren pasarte batean agertzen da: seme bakoitzari gezi bana eman eta hautsi ditzaten agintzen die. Geziak hautsi ondoren, aitak seme bakoitzari hiruna gezi eman eta berriz ere hautsi ditzaten agintzen die. Hiru semeetako bakar batek ere ezin ditzake geziak hautsi, orduan Motonarik zera aipatzen die, gezi bana erraz hautsi daitekeela, baina ez elkarrekin bat eginik badaude. Halere, Ran filmean Saburōk bere belaunaren laguntzaz hiru geziak hautsi eta aitak azaldutakoa ipuin inozo bat besterik ez dela esaten du. Hidetora klaneko buruzagi nagusia izaten jarraitu eta Jaun Gorenaren titulua mantenduko du. Saburōk aitaren logika kritikatuko du, Hidetorak bere boterea traizioaren biez lortu zuela eta halere bere semeak berarekiko fidel eta zintzoak izatea espero duela aipatuko diolarik. Hidetorak bere semearen aipamena berarekiko mehatxutzat jo eta hura ateratzen denean, Tango morroia Saburōren alde jarriko da, biak ere erbesteratuak direlarik.

Aktoreak[aldatu | aldatu iturburu kodea]

Kanpo loturak[aldatu | aldatu iturburu kodea]