Roberto Verino

Wikipedia, Entziklopedia askea
Jump to navigation Jump to search
Roberto Verino
La Real Casa de Correos, escenario de la Mercedes Benz-Fashion Week Madrid 2017 - 32825614871 (cropped).jpg
Bizitza
Jaiotza Verín1945eko maiatzaren  3a (73 urte)
Herrialdea  Espainia
Hezkuntza
Hizkuntzak gaztelania
Jarduerak
Jarduerak moda-diseinatzailea
Jasotako sariak

Roberto Verino, jaiotza-izenez Manuel Roberto Mariño Fernández (Verín, Ourense, Galizia, 1945eko maiatzaren 3a) espainiar diseinatzailea eta moda-enpresaburua da.

Biografia[aldatu | aldatu iturburu kodea]

Arte-ikasketak egin zituen, Parisen. 1967an jaioterrira itzuli zen, familiaren negozioa bere gain hartzera, eta hiru urteren buruan negozio hura jantziak egiteko lantegi bihurtu zuen. Frantzian Billy Bonnyk diseinatutako lana sartu zuen Espainian, eta emakumearentzako lehen arropa-bilduma sortu zuen, 1982an. Handik urtebetera denda zabaldu zuen Parisen, eta Parisko Emakumearentzako Goi Jantzigintzaren Azokan, Milango Moda Azokan eta Montecarloko Lihoaren Nazioarteko Jaialdian parte hartu zuen. 1984an Kotoiaren Nazioarteko Institutuak bere diseinuetako bat hautatu zuen Jantziaren Museoan erakusgai jartzeko.

Hurrengo urteetan salmentak eta esportazioak etengabe handituz joan ziren, bere ospea bezala. 1992an bi mila eta bostehun milioi pezeta inguru (15.000.000 euro inguru) fakturatu zituen. Urte hartan bere markako lehen perfumea merkaturatu zuen, eta Verinen duen enpresa zabaltzeko asmoa iragarri zuen, behar den azpiegitura industriala ez duten moda sortzaileen diseinuak produzitu ahal izateko. Modaz gain,

Roberto Verinok beste zaletasun batzuk ditu, horien artean ardoa. Diseinatzaileak Terra do Gargalo ekoizten du, Monterrey (Galizia) izendapena duena.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]