1907an Circolo Ars et Labor sortu zen Ferraran, 1913an Società Polisportiva Ars et Labor (S.P.A.L.) bihurtu zena. 1920 eta 1925 artean Serie A-n jokatu zuen. 1939 eta 1943 artean Bigarren Mundu Gerraren ondorioz taldearen kirol jarduerak bertan behera gelditu ziren, baina Associazione Calcio Ferrara izeneko talde bat eratu zen hainbat partida jokatzeko. Gerra ondoren taldeak bere jarduerak abiatu zituen berriz eta 1951 eta 1968 artean maila gorenean izan zen. Hau izan zen taldearen urrezko aroa, 1960an ligan bosgarren egin baitzuen eta 1962an Kopako finala jokatu baitzuen, SSC Napolik 2-1 emaitzaz garaitu zuen. 1968an maila galdu zuen eta gainbehera iritsi zitzaion, hasieran kirol mailan eta ondoren maila ekonomikoan.
2005ean taldea birsotu zen eta SPAL 1907 izena hartu zuen. Egoerak ez zuen hobera egin eta 2013an talde berria sortu behar izan zen, SPAL 2013. Serie D mailan hasi zuen ibilera eta 2017an Serie B irabazita maila gorenera iritsi zen.
Walter Mattioli
