Sabako Erresuma
- Artikulu hau antzinako erresumari buruzkoa da; beste esanahietarako, ikus «Saba (argipena)».
Saba (ge'ezez: ሳባ, Saba, arabieraz: سبأ, Sabaʾ, antzinako arabieraz: 
, שבא, Šəḇā; Biblian, Sheba) gaur egungo Yemengo errepublikan zegoen islamaren aurreko erresuma izan zen. K. a. VIII. mendean aipatzen da lehen aldiz, Asiria Sabari garaitu zitzaion garaian, hain zuzen. Mukarrib izeneko apaiz gorenek gobernatzen zuten erresuma. Marib eta Zufar izan ziren, hurrenez hurren, erresumako hiriburuak. Oparotasun handia izan zuen kristau aroa iritsi aurretik: ureztatze sare handiak antolatu ziren, eta Abisiniako kostalderaino hedatu zen Sabako erresuma. Kristauen eta juduen eragina izan zuten hango biztanleek, eta 525. urtean etiopiarrek hartu zuten lurraldea. Marib-eko ur-hesi handiaren hausturak guztiz txirotu zuen lurraldea eta sabatarrek emigratu behar izan zuten (542). 570. urtean pertsiarrek konkistatu zuten.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-10-6 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
