San Bernardoren astoa

San Bernardoren astoa
Jatorria
Sorrera-urtea	1450
Ezaugarriak
Kokapena
Lekua	Espiritu Sainduaren eliza (Baiona)
Herrialdea	Euskal Herria
Probintzia	Lapurdi
Herria	Baiona

San Bernardoren astoa (frantsesez: L'âne de saint Bernard) Baionako Espiritu Sainduaren elizan ikus daitekeen erlijio objetua da. Berez, eskultura multzoak Egiptora ihesaldia irudikatzen du: Andra Maria, haurra eta astoa. Espezialisten iritziz, XVI. mende hasierako lan hau, benetako altxorra da.

Ezaugarriak

San Bernardoren astoa haritz-egur margotuan eta urreztatuan dago egina. Taldea haritz enbor bakar batetik landua zegoen, animaliaren burua eta lepoa izan ezik. Eskala handikoa da: 1,70 metro altueraz x 1,30 metro zabaleraz. Ama Birjina astoaren gainean eserita dago eta Jesus Haurra bularrean besarkatuta, alkandora soinean eta perlekin egindako lepoko bat jarrita dauka (perlak ziur aski anbarrezkoak dira). Haurrak ere bihotz bat zintzilik darama; haren ezkerreko eskuan txori bat ikus daiteke. Ama Birjinak burua zertxobait makurtuta dauka, begiak beheratuta. Bere beroki handiak oinen puntak erakusten ditu; behatz biribileko oinetakoekin jantzita dago, bidaiarien oinetakoak, alegia.

Kanpo estekak

• Datuak: Q106628007
• Multimedia: L'âne de saint Bernard / Q106628007