San Esteban eliza (Zabaldika)

San Esteban eliza
	UNESCOren gizateriaren ondarea
	Nafar bidea
Kokapena
Herrialdea	Euskal Herria
Probintzia	Nafarroa Garaia
Udalerria	Esteribar
Koordenatuak	42°51′22″N 1°34′53″W / 42.856036°N 1.5815°W
Izena	Eztebe
Gizateriaren ondarea
Erreferentzia	669-283
Eskualdea	Europa eta Ipar Amerika
Izen-ematea	bilkura)
	283
	↑ UNESCOk egindako sailkapenaren arabera ;

San Esteban eliza Esteribarko Zabaldika kontzejuan Erdi Aroko kristiau eliza bat da.

Eraikina[aldatu | aldatu iturburu kodea]

XVI. mendean handitzeren bat izan zuen Erdi Aroko eraikina da. Oinplano angeluzuzena eta abside laua du. Atea epistolaren horman du, eta dorrea oinaldean, habeartearen gainean. Bertan, 1377ko data duen kanpai gotiko bat dago, Nafarroako zaharrena dela uste dena. Barruan, absidean, XVI. mende amaierako erretaula errenazentista bat dago. Egilea Pedro Arraidu dela dirudi, baina Juan Gazteluzarren balizko esku-hartzeari buruzko datuak ere badaude. Predela, bost kaletan banatutako hiru gorputz eta atikoa ditu. Sagrarioa ere garaikoa da, erliebeekin ornatutako bi gorputzekin. Erretaularen muturreko kaleek erliebeak dituzte; barrukoek, berriz, mukulu biribileko eskulturak dituzte, San Esteban titularrarenak eta Ama Birjinaren Jasokundekoa barne.