San Trokaz eliza

San Trokaz eliza
Elizaren kanpoaldea Irudi gehiago
Kokapena
Herrialdea	Euskal Herria
Probintzia	Bizkaia
Herria	Abadiño
Koordenatuak	43°09′N 2°37′W
Historia eta erabilera
Irekiera	1783
Elizbarrutia	Bilboko elizbarrutia
Arkitektura
Estiloa	pizkundetar arkitektura

San Trokaz eliza Abadiñoko Zelaieta auzoan dagoen eliza da, Torkuato Accikoaren omenez sagaratua. Inazio Ibero arkitektoak diseinatua, eraikitze lanak 1783an amaitu zuten.

Arkitektura klasikoaren ariketa dugu, berritasunei uzkur eta Euskal Herrian sustrai sakonak dituen eraikitze modu tradizionaletara lotuta dagoena. Horren frogagarri dira bere tipologia errenazentista barruan nabe bakarreko kapera garaiak dituen tenplua edo gotiko estiloko zainez osaturiko izartegi estalpenak. Gauza bera gertatzen da bere triglifoz eta metopezko lengoaia klasikoarekin.

Barrualdean nabe zabala du, buru poligonalarekin eta alboetan hiru kapera ditu. Kapera horiek barrualderantz hedatzen dira, kanpora izan beharrean. Hiru erretaula rokoko ditu eta aldare barroko naturalista bi.

Ikus, gainera

• Abadiñoko hilerria

Kanpo estekak

• Datuak: Q6446952
• Multimedia: Church of San Trokaz, Abadiño / Q6446952

Euskarazko Wikipedian bada atari bat, gai hau duena: Euskal Wikiatlasa