Santa Barbara baseliza (Zarautz)

Santa Barbara baseliza
	Eraikitako euskal ondasun nabarmena
	Kostaldeko Donejakue bidea
	Santa Barbara baseliza 2009ko abenduaren 28an.; Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Zarautz
Koordenatuak	43°17′21″N 2°10′54″W / 43.28923°N 2.18173°W
Historia eta erabilera
Eraikuntza	XVIII. mendea
Arkitektura
Ondarea
EJren ondarea	16

Artikulu hau Gipuzkoako Zarautz udalerriko baselizari buruzkoa da; beste esanahietarako, ikus «Santa Barbara baseliza».

Santa Barbara baseliza Gipuzkoako Urola Kosta eskualdean dagoen Zarautz udalerriko baseliza da. Izen bereko Santa Barbara auzoan eta Zarauztik Getariaradoan Kostaldeko Done Jakue bidearen hasieran kokatzen da.

Gaur egun bertan urte osoz ospatu ohi den meza bakarra abenduaren 4ean izan ohi da.

Historia[aldatu | aldatu iturburu kodea]

Tenplu berria eraikitzeko diru bilketa eskasegia zela eta, 1704ko ekainaren 20an Iruñeko apezpikuak inguruko jendearen diru laguntza txikiez eraiki zedila agindu zuen. Dirua, espezietan pilatutako dohaitzak eta eraikuntza materialak musutruk hornitu eta garraiatu zuten auzotarren laguntzari esker eraikuntza lanei berrekin zitzaien.

Bost urteren ondoren, 1709an baseliza bedeinkatu zen, halere 1736. urterarte hobekuntzak gehitzen joan zitzaizkion. Baselizaren mantentze lanak diru edo espezien dohaitzaren bitartez ordaintzen ziren. 1705-1774 bitartean arrantzaleek euren dohantzak arrantzatutako bale zatiez osatzen zituzten, trukean txakolia ematen zitzaielarik. 1850ean eraldaketa lanak egin zitzaizkion eta 1995ean oso-osorik zaharberritua izan zen.

Eraikina[aldatu | aldatu iturburu kodea]

Ipar-ekialdeko norantzan dago, lau uretako teilatua, oinplano laukizuzzena eta abside trapezoidala ditu. Eremuko erliebe malkartsuari ongi egokitua dago, eskailera baten bidez atari nagusira igo ahal daitekelarik.

Barnealdean arku eskarzano itxurako egurrezko ganga du. Goiburu poligonalaren gainaldean eta aldarearen atzean, hainbat ezaugarri ikonografiko dituen Santa Barbararen irudia gordetzen duen itxura klasikoko erretaula txiki bat dago. Gainontzeko eremua uzta ez kaltetzeko ekaitzen aurkako kandelez argiztatua dago.