Sehaska

Sehaska
	ohea, baby furniture (en) eta infant product (en)
	Irudi gehiago

Artikulu hau txikientzako ohea gaitzat duenari buruzkoa da; Iparraldeko ikastolen federazioa gaitzat duena beste hau da: «Seaska»

Sehaska^[1] haurrentzako ohe txikia da, gehienetan kulunka daitekeena. Jatorrian, saski ahurrak edo egurrezko ontzi txikiak izan ziren. Sehaska tradizionalek oin erdizirkularrak zituzten, kulunkatzeko eta, hala, haurtxoaren loa eragiteko. Mekanika-asmamen horren ordez, gurpildun hankak jarri dira, mugitzeko aukera ematen dutenak. Antzina, zumez edo zurez eginak izaten ziren, eta plastikoari, metalari eta gainerako material garbigarriei utzi diete lekua. Sehaska tradizionalek gaza-oihalez estaltzeko eta haurra intsektuetatik babesteko errezela izan zezaketen; modernoetan, zintzilikarioetarako edo mugikorretarako (pieza artikulatu mugikorrak) ezarkinak edo besoak jartzen dira, haurraren arreta distraitzeko. Sehaskak zintaz, lakioz edo beste objektu estetiko batzuez apaintzen diren gonekin janzteko ohitura ere bazegoen. Hiru edo lau urte bitarteko haurrentzako sehaska modeloak handiagoak dira eta albo altuak dituzte jauziak edo erorketak prebenitzeko. Kasu batzuetan, alboetako bat eraisgarria da, haurra esfortzu txikiagoarekin sartu edo ateratzeko.

Motak

Bidaiatzeko sehaska joan-etorrietarako modelo tolesgarria da.
Moisesa jaioberrientzat erabiltzen den sehaska mota da. Neurriak txikiagoak dira, haurtxoak amaren sabelaren hutsunea nabaritu ez dezan. Sehaskara aldatu ohi da sei hilabeteren ondoren.