Snefru

Snefru
Irudi gehiago
Faraoi ← Huny - Keops → 1. pharaohs of Fourth Dynasty of Egypt (en) - Keops → pharaohs of old Kingdown of Egypt (en) ← Huny
Bizitza
Jaiotza	Egipto, ?
Herrialdea	Antzinako Egipto
Heriotza	Egipto, ? ( urte)
Hobiratze lekua	Piramide Gorria
Familia
Aita	Huny
Ama	Meresankh I
Ezkontidea(k)	Hetepheres I (en)
Seme-alabak	ikusi Kanefer (en) Ranefer (en) Ankhaf Nefertkau I (en) Keops Hetepheres (en) Nefermaat Henutsen (en) Prince Rahotep (en) Iynefer I (en) Meritites I (en) Netjeraperef (en) Nefertnesu (en)
Haurrideak	ikusi Hetepheres I (en) Meresankh I (en)
Leinua	Egiptoko IV. dinastia
Jarduerak
Jarduerak	estatu-politikaria

Snefru edo Seneferu Egiptoko IV. dinastiako lehen faraoia izan zen, Egiptoko Inperio Zaharraren garaikoa, Jürgen von Beckerathen arabera, K.a. 2614tik K.a. 2579 arte gobernatu zuelarik. Snofru bezala ere ezagutzen da.

Seneferu deitua da Abidoseko Errege Zerrendan eta Saqqarakoan. Turingo Errege Kanonak, Senefer deitzen du, eta 24 urteko erregealdia ematen dio. Manetonek, Soris deitzen du, Sexto Julio Afrikanoren arabera Jurgi Sintzeloren bertsioan, eta 29 urteko erregealdia izan zuela dio. Herodotok, Rampsinitos deitzen du.

Ziuraski, jatorria, Egipto Ertainean izango zuen eta bere aurreko faraoia izan zen Hunyren semea izango zen. Bere emazterik garrantzitsuena, Hetepheres I.a izan zen, Keopsen ama.

Palermoko Harrian, Nubia eta Libiaren aurka egin zituen kanpaina militarrak biltzen dira, erresumaren mugak ziurtatzeko egin zirenak.

Eraikuntzak

Snefruren erregealdian, errege hilobien eraikuntzak, aldaketa garrantzitsuak jasan zituen. Tenplua, sarrera eta gurtza lekuaren arteko banaketa sartu zen.

Meidumeko piramidea, beharbada, Hunyk hasi eta Snefruk amaituko zuen. 146x146 metroko oinarria eta 92 metroko altuera zuen, eta, hasiera batean, zortzi mailatako mastaba edo piramide mailakatu bezala diseinatu zen. Ondoren, mailen arteko espazioak osatu ziren harrizko blokeekin, piramide forma emateko, honela, lehen piramide klasiko monumentalean bihurtuz. Hil kamera, lehen aldiz, ez zen harkaitzean aurkitzen, piramidearen azpian, baizik eta eraikinean bertan.

Dahshurren, ehun metro inguruko altuerako bi piramide eraikiarazi zituen: Piramide Ukondotua, alboko zortzi aurpegirekin eraikia (lau trapezoide formakoak eta beste lau hiruki formakoak), eta, bestea, Piramide Gorria, piramide klasiko erakoa.

Ahmed Fakhryk, 1950eko hamarkadan, Piramide ukondotua, eraikuntzan zehar pitzadurak sortu zirelako utzia izan zenaren teoria proposatu zuen, inongo funtsik gabe, piramidea amaitua izan baitzen, gaur egun bisita daitekeelarik. Gainera, Snefruk, beste piramide bat eraikiarazi zuen, handik ehun metrora, Piramide Gorria, honen eraikuntzarako, aurrekoaren eraikuntzatik balio ez zuten milaka blokeak erabili izana zentzuzkoa delarik, ohiko praktika Egiptoren historian. Arrazoitzea, faraoi batek, piramide bat baino gehiago eraikiaraztearen ideia ez onartzean funtsatzen da, aditu askok, piramide hauek, hilobi monumental soilak direla uste baitute, beste inongo funtziorik gabe.

Bere garaiko testigutzak

Hiru piramide handi ematen zaizkio: Bat Meidumen eta beste biak Dahshurren.

Honako hauetan aipatzen da:

• Palermoko Harria, Nubia eta Libiaren aurkako kanpainak aipatuz
• Zigilu inprimaketak, Hierakonpolisen (Quibell/Green)
• Idazkunak Uadi Magharan, Sinai (Sethe; Gardiner/Peet/Cerný)
• Meidumen aurkitutako bere izena daraman idazkuna (Kairoko Egiptoar Museoa)
• Erregearen izena daraman metalezko erreminta (Gizan erosia) (Petrie/Mackay/Wainwright)

Nefertyren Profezia bezala ezagutzen den lan literarioa, bere erregealdian datatua dago.

Aurrekoa Huny

Egiptoko faraoia Egiptoko IV. dinastia

Ondorengoa Keops

Kanpo loturak

Wikimedia Commonsen badira fitxategi gehiago, gai hau dutenak: Snefru