Solmaz Daryani

Solmaz Daryani
	; Irudi gehiago
Bizitza
Jaiotza	Iran, 1989 (34/35 urte)
Herrialdea	Iran
Jarduerak
Jarduerak	fotokazetaria
	solmazdaryani.com

Solmaz Daryani (Iran, 1989) argazkilari dokumentalgile irandarra da.

Biografia[aldatu | aldatu iturburu kodea]

Solmaz Daryanik informatika ikasi zuen Azad Unibertsitatean, eskolan software ingeniaritzako arte-batxilergoa atera eta gero. 2012an hasi zen argazkilaritzara hurbiltzen, Interneten bidez ikasi zuen argazkilaritza: autodidakta da.^[1]

Ibilbidea[aldatu | aldatu iturburu kodea]

2014az geroztik Solmaz Daryanik Urmia aintzirako hondamendi ekologikoa dokumentatu zuen, izan ere eskualde hartakoa da jatorriz. Ekialde Hurbileko ingurumen-hondamendirik tamalgarrienetako bat izan zen, eta bere lehen liburuan argitaratu zuen, 2021ean: The Eyes of Earth (2021, FotoEvidence Foundation).

2019ko udazkenean, Alexandra Boulat Beka jaso zuen DMJX-n ikasketak egiteko, VII Photo Agentziaren kide eta sortzailekide zen argazkilari frantses sarituaren oroimenez emandako saria. 2017an, Magnum Fundazioaren Beka jaso zuen On Religion (Erlijioari buruz) izeneko deialdi baterako. Abian duen The Eyes of Earth proiektuarekin IdeasTap eta Magnum Photos, PhotogrVphy Grant eta FotoEvidence Book Award sariak irabazi ditu.

Women Photograph eta DiversifyPhoto-ko kidea da. Bere lanaren bitartez, pertsonen eta haien ingurunearen arteko lotura aztertzen du narrazio pertsonalekin, kokapenak, pertsonaiak eta eszenak identifikatuz. Solmaz Daryanik epe luzeko proiektuetan lan egiten du normalean. Bere karrera hasi zenetik, istorioak kontatzen lan egin du epe luzeagoko serieak sortuz, denborak jendeari eta ingurumenari nola eragiten dion ulertzeko. Bere iraupen luzeko argazki proiektuen artean, The Eyes of Earth (2014tik) eta In Deserts of Wetland (2018tik). 2017an, Focus Iran film dokumental frantsesean aurkeztu zuen bost argazkilari iraniarri buruz, arauei aurre egiten dion sorkuntza baten bizitasunaren lekuko.

Daryanik nazioartean lan egin du, uraren krisiaaren, klima-aldaketaren eta Iran, Afganistan, Turkia eta Erresuma Batuko dokumental sozialen istorioen berri emanez. Bere lana nazioarteko aldizkari eta egunkarietan argitaratu da, hala nola The New York Times, Der Spiegel, National Geographic, Atlas Obscura, Foreign Policy Magazine, L'OBS Magazine, Le Monde hors serie, Polka Magazine, The American Scholar Magazine eta beste argitalpen batzuk.

Nathalie Masduraudek eta Valérie Urreak bere erretratua egin zuten Focus Iran, l'audace au premier plan dokumentalean, 2017an.^[2]^[3] Urte hartan bertan, aurkeztu zen Daryaniren lana Frantzian, Arlesen, hain zuzen.