Tomás Caballero

Tomás Caballero
Iruñeko alkate 1976 - 1979 ← Javier Erice - Q64875664 →
Bizitza
Jaiotza	Alfaro, 1935eko otsailaren 25a
Herrialdea	Espainia
Heriotza	Iruñea, 1998ko maiatzaren 6a (63 urte)
Heriotza modua	deliberate murder (en)
Hiltzailea	Euskadi Ta Askatasuna
Familia
Seme-alabak	ikusi Tomás Caballero Martínez (en) Javier Caballero Martínez
Hezkuntza
Hizkuntzak	gaztelania
Jarduerak
Jarduerak	politikaria eta topografoa
Jasotako sariak	ikusi medal of the Order of Constitutional Merit  (2003)
Sinesmenak eta ideologia
Alderdi politikoa	Nafar Herriaren Batasuna

Tomás Caballero Pastor (Alfaro, 1935eko otsailaren 25a - Iruñea, 1998ko maiatzaren 6a) politikari nafarra izan zen. Frankismo garaian Sindikatu Bertikalean aritu zen. 1976-1977an Iruñeako alkatea izan zen. 1995tik Udaletxera itzuli zen, UPNren zerrendetan. 1998an ETA erakundeak tiroz hil zuen. Atentatuak eztabaida eta erantzun oso gogorrak eragin zituen. Bere bost seme-alaben artean, hiru, Tomas Caballero Martínez, Maria Caballero eta Xabier Caballero, politikan aritzen dira.

Biografia

Tomas Caballero Alfaro herrian kasualitatez jaio zen, gurasoak Tuterakoak baitziren. Ikasketa beka bati esker Iruñean ikasi zuen, jesuiten ikastetxean. Ordurako erlijioak garrantzi handi zuen haren bizitzan. 1957an Fuerzas Eléctricas de Navarran (Fensa) lantegian hasi zen lan egiten. Ordu libreetan topografo gisa espezializatzeko hasi zen ikasten, bestetik. 1964an Ura, Gas eta Elektrizitatearen Sindikatuko presidente hautatu zuten eta Nafarroako Langileen Kontseiluko presidente izendatu zuten; 1971n berriro hautatu zuten. Urte haietan Nafarrokoa Sindikatu Bertikalean sail kritikoenetariko bat zen. 1970etik 1978ra Iruñeko Udaleko zinegotzia izan zen. 1974an Iruñeko Merindadeko udalek Eskualde Kontseiluko kide aukeratu zuten eta, 1977an, behin-behineko nafar hiriburuko alkatea izan zen. Politikan alderdi desberdinekin aritu zen, lehen Frente Navarro Independientearekin, eta, 1986an, Partido Reformista Democráticoarekin, arrakasta izan gabe. Bitartean sindikatuko lanean jarraitu zuen. 1984tik 1994ra Iruñeko Oberena Kirol Elkartearen buru izan zen. Idazle gisa, Nafarroako hainbat egunkari eta aldizkaritan kolaboratu zuen. 1995ean, UPNren zerrendetan independente gisa Iruñeko Udaleko zinegotzi aukeratu zuten. 1996an, Santiago Cerverak postua utzi zuenean, bere udal taldeko bozeramaile izendatu zuten. ETAk hil zuen 1998ko maiatzaren 6an.

Tomás Caballero ezkonduta zegoen eta bost seme-alaba izan zituen. Emaztea Pilar Martínez Oroz zen, 2020an hila.

Kanpo estekak

• Iruñeko Udalaren omenaldia.
• Udalaren talde guztien omenaldia 2017an.
• (Gaztelaniaz):Biografia Espainiako Historiaren Errege Akademiaren webgunean.

• Datuak: Q4890767