Txantiloi:2012-39 Nabarmendutakoa
Kataluniako Autonomia Erkidegoa (katalanez Comunitat Autònoma de Catalunya, gaztelaniaz Comunidad Autónoma de Cataluña eta araneraz Comunautat Autonoma de Catalonha) Espainiako autonomia erkidego bat da. Kataluniako lurralde historikoaren zati da. 2006ko Kataluniako Autonomia Estatutuaren arabera nazio bat da.
Kataluniako Autonomia Erkidegoak, 32.000 km² inguruko azalera du, non 7 milioi pertsona bizi diren. Iparraldean Frantzia eta Andorrako Printzerria, mendebaldean Aragoi, hegoaldean Valentziako Erkidegoa eta ekialdean Mediterranear itsasoa mugakide ditu.
Administratiboki Espainiako Autonomia Erkidegoetako bat bada ere, hizkuntzaren aldetik (katalana) beste lurralde batzuekin hizkuntz harremanak ditu, Katalan Herriak (Països Catalans) osatuz.