Txikipedia:Bilbo

	Datuak, labur
🏴 Lurraldea	Bizkaia
👨‍👨‍👦‍👦 Biztanleak	346.096
🔎 Azalera	41,6 kilometro koadro
🌄 Altuera	19 metro

Bilbo (gaztelaniaz eta ofizialki Bilbao) Bizkaiko hiriburua da. 345.110 biztanle zituen 2017. urtean. Bertako jendeari bilbotarra esaten zaio.

Gorabeherak izenarekin[aldatu | aldatu iturburu kodea]

Bilbo du gaur egungo euskal izena, Euskaltzaindiak 1979an hala arautu baitzuen. Bilbao gaztelaniaz gorde den euskal izen zaharra da.

Geografia[aldatu | aldatu iturburu kodea]

Bilbo zabalaren hedadura[aldatu | aldatu iturburu kodea]

Bilbok 41 kilometro koadro ditu, baina Bilboaldeak 375 kilometro koadro ditu: Muskiztik Galdakaora hedatzen da mendebaldetik ekialdera, eta Plentziatik Alonsotegira eta Arrigorriagara iparraldetik hegoaldera. Ingurune horrek ia milioi bat biztanle biltzen ditu guztira: Bizkaiko biztanleriaren hiru laurden baino gehiago.

Barrutiak[aldatu | aldatu iturburu kodea]

Bilbok barruti hauek ditu: Basurtu-Zorrotza, Abando, Errekalde, Deustu, Uribarri, Otxarkoaga-Txurdinaga, Begoña eta Ibaiondo.

Mendiak eta ibaiak[aldatu | aldatu iturburu kodea]

Inguruan mendi hauek ditu: Pagasarri, Artxanda eta Arnotegi.

Hiria Ibaizabal ibaiak zeharkatzen du. Beste hainbat erreka ere badaude hirian, baina lurperatuta.

Historia[aldatu | aldatu iturburu kodea]

1300an lortu zuen hiri izaera, Diego Lopez Harokoak (orduko Bizkaiko jaunak) emandako tituluari esker.

Demografia[aldatu | aldatu iturburu kodea]

2016an 343.000 biztanle inguru zituen.

Ekonomia[aldatu | aldatu iturburu kodea]

Zerbitzuen sektorea da nagusi hirian, eta turismoak hazkundea eduki du azken urteetan. Baina XX. mendean industriak garrantzia handia eduki zuen Bilbon.