Estazio meteorologikoak haizearen abiadura eta norabidea, tenperatura, presio barometrikoa eta aireko hezetasuna neurtzeko tresnak dituzten instalazioak dira. Tresna horietako batzuk honako haiek dira:
- Barometroak: presio atmosferikoa neurtzen duten makinak.
- Psikrometroak: hezetasuna neurtzeko.
- Anemometroak: haizearen abiadura neurtzeko.
- Haize-orratzak: haizeak nondik jotzen duen adierazten duten gailuak.
- Termometroak: airearen tenperatura neurtzen dutenak.
- Plubiometroak: prezipitazioetan zenbat ur erortzen den neurtzeko.
Estazio meteorologiko askok ez dute langilerik behar, neurketak automatikoki egiten eta meteorologoei bidaltzen dizkiete. Neurketa horiekin, meteorologoek eguraldia aztertzen dute eta hurrengo egunetan zer eguraldi egingo duen jakiten dute.