Mari Jaia edo Marijaia, Bilboko Aste Nagusiaren protagonista da. Bere sortzailea Mari Puri Herrero da, eta 1978ko abuztuan sortu zuen. Pertsonai edo sinbolo hau, urtero, Arriagako Antzokiko balkoira ateratzen dute Bilboko Aste Nagusiari hasiera emateko.
Marijaia ez da bera bakarrik ateratzen balkoira, Bilboko beste bi biztanlerekin ateratzen da. Hiru hauek elkarrekin jaiei hasiera ematen diete botatzen duten suziri batekin. Jai osoetan zehar hirurak Bilboko kaletatik doaz.
Nolakoa da Marijaia?[aldatu | aldatu iturburu kodea]
Mari Jaiak zapi bat darama buruan eta soinean baserritar antza duen jantzia. Urtero bere zapi zein soinekoa aldatu egiten diote honi. Bere aurpegia oso irribarretsua da, baita musugorria ere.
Lau metroko emakumea da eta haren ezaugarri oso esanguratsua besoak dira, izan ere, beti daramatza goruntz altxatuta. Honek esanahi bat du: dantzarako prest dagoela jarrera alai batekin.
Marijaia edo Mari Jaia izenak "jaietako andrea" esan nahi du eta Bilboko txosnak ireki ahal izateko, Mariajiak txosna hauetatik pasa behar du.
Nola bizi ditu jaiak?[aldatu | aldatu iturburu kodea]
Urtero, Marijaia erraldoi bat sortzen da Aste Nagusia Bilbon ospatzeko. Unerik gogokoena suziria bota eta Marijaia aginduaren ondoren aurkezten denean da. Gero hiri osoan zehar aurki daiteke, denekin argazkiak ateratzen eta Bilboko lagun talde desberdinetatik pasatzen. Jaietako 9 egunen amaieran, Marijaiak distira egiten du itsasadarrean zehar paseo bat emanez gauean. Festa amaitzeko Marijaia erretzen da eta agur esaten zaio, baita jaiei ere.
Marijaiaren abestia[aldatu | aldatu iturburu kodea]
“Badator Marijaia” abestia Bilboko jaietako kanta ezagunena da. Kepa Junkerak idatzi zuen 1997an, eta Marijaiarekin batera kantatzen den kantu alai eta festazalea da. Abestiak Marijaiaren esentzia, irudi alai eta emozioa kontatzen du.
Abestia Bilboko jaien zati garrantzitsu bat da eta oso ezaguna da Bilboko jaietara doazen lagunen artean.
Aste Nagusia
bakarra dago
hamar gauekoa
munduan.
Abuztuan Bilbon
denok batera
katuak eurak be
jaietan.
Mari, Mari,
Marijaia dator
Mari, Mari,
Marijaia dator.
Uger, uger,
Bilboko uretan
Mari, Mari,
Marijaia dator.
Abuztuan danok
zahar eta gazte
gizon eta andre
jaietan.
Zapia lepoan
alkar hartuta
kolore guztiak
dantzetan.
Goxa eta erlojua
ez ei doaz batera
bata edo bestea
zoratu egin da. Hara, hara, hara,
Hara, hara, hara,
hara nor datorren
hara, hara, hara,
gure Marijaia.
Ene, ene, ene,
oi ai ene bada
aste hau pasata
barriro joango da. Marijaia bera
Marijaia bera
gure Marijaia
Bilbora etorri da
Aste Nagusira.
Aste Nagusi
bakarra munduan
bakarra munduan
Marijaia.
Bibliografia[aldatu | aldatu iturburu kodea]
Montero, M.: Aste Nagusia, 1978-1990. Bilbao: Museo Arqueológico, Etnográfico e Histórico Vasco, 1990; PÉREZ SÁENZ, J.: “Identidad y fiesta patronal. Los muñecos”, Zainak. Cuadernos de Antropología-Etnografía, nº 26, 2004, pp. 275-292; DUESO, J.: Mitos, leyendas y costumbres. III, Fiestas populares. Bilbao: Lur, 1990. https://www.bilbaopedia.info/marijaia
Rodriguez Urriz, B. (2014). Sabores festivos.
Dios, I. D. (2015). Aste Nagusia." Mariren izpiritua jai guztietan dago": Edorta Jimenez, idalezlea eta" badator Marijaia" ren hitzaren egilea.
Bilboko udala (2022). Bilbao.eus. https://www.bilbao.eus/cs/Satellite?c=Page&cid=1279227168313&language=es&pageid=1279227168313&pagename=Bilbaonet%2FPage%2FBIO_contenidoFinal
Marijaia. (2016, Maitzak, 19). URIBARRI KONPARTSA. https://konpartsauribarricas.wordpress.com/marijaia/