Musker berde
Musker berde[aldatu | aldatu iturburu kodea]
Musker berdea (Lacerta viridis), Europako erdialdean aurkitu dezakegun animali narrastia da. Musker ertaina,16 cm inguru neurtzen du, gutxi gorabehera. Arren diseinua punteatu berdea, beltz eta horia da, eta emeena, berriz, berde uniformea orban beltz batzuekin.
| Erreinua | Animalia |
| Filuma | Chordata |
| Klasea | Sauropsida |
| Ordena | Squamata |
| Subordena | Lacertilia |
| Familia | Lacertidae |
| Generoa | Lacerta |
| Espeziea | Lacerta viridis |
Gehienetan emeak arrak baino handiagoak dira.
Non bizi da?[aldatu | aldatu iturburu kodea]
- Europa: Iparraldetik Kanaleko uharte, Rhin bailara, Txekia, Eslovakia eta Errusia hego-mendebalderaino
- Iberiar Penintsula: Kantabria eta Pirinioetako zerrendatik banatzen da, Asturias eta Leon ekialdearen eta Kataluniaren artean, eta Moncayoraino jaisten da, mendebaldeko Iberiar Sisteman.
Habitata[aldatu | aldatu iturburu kodea]
Zuhaixka-formako landaretza itxia dagoen habitat eguzkitsuetan aurkitutzen da. Hegoaldean hezeak edo altuagoak diren tokiak nahiago ditu. Eguzkia hartzeko, goizean eta arratsean ateratzen da. Erasotuta sentitzen denean ondo ezkutatzen da.
Larreen eta basoen arteko trantsizio-inguruneetan bizi da, eta zuhaixka heze ugari hartzen ditu, pinudiak eta belardiak barne. Erraztasun handia du zuhaitzetara igotzeko.
Elikadura[aldatu | aldatu iturburu kodea]
Musker berdea Orojalea da eta elikatzeko ornogabeak diren animaliak ehizatzen ditu. Noizbehinka ornodun txikiak, fruta eta arrautzak ere jaten ditu.
Jaten dituen ornogabe batzuk hauek dira: hala nola ortopteroak, koleopteroak, intsektu-larbak eta gasteropodoak. Hauek bere mingainarekin estrategia baten bitartez harrapatzen ditu.
Erreprodukzioa[aldatu | aldatu iturburu kodea]
Udaren erdialdean emeak bost edo sei arrautza inguru jartzen ditu goroldioaren azpian edo lur azpian, eta udaren amaieran, udazkenaren hasieran, arrautzak eklosionatzen ditu. Neguan gutxitan ikusten dira, eta hilabete hotzetan zulatutako galerietan egoten dira.