Ostadarra zirkulu-erdi itxura duen kolorezko zerrenda bat da, zeruan agertzen dena euria ari duenean eta eguzkia zerumugan behe dagoenean; zazpi kolore ikusten dira: gorria, laranja, horia, berdea, urdina, anila eta morea.
Euskaraz beste hainbat izen ditu, lekuaren arabera: Erromako zubia, Ortzadarra, Ostarkua, Frantziako zubia, etab.
Zergatik gertatzen da?[aldatu | aldatu iturburu kodea]
Aldi berean eguzkia eta euria daudenean gertatzen da. Eguzkiak argi zuria botatzen du eta euri-tanten artean sartzen denean argi hori deskonposatzen da fenomeno honen kolore guztiak ikusgai utziz.
Kultura[aldatu | aldatu iturburu kodea]
Ostadarrari buruzko makina bat sineste eta kontakizun daude. Euskal Herriko zenbait lekutako tradizioan, adibidez, esaten zen ostadarrak lurra jotzen duen tokian mutilak neska bihurtzen direla eta neskak mutil; edo ostadarrak Erromarako bidea erakusten duela. Beste zenbait lekutan, aldiz, ostadarraren oinean altxor handi bat aurki daitekeela esaten da.