Txikipedia:Zeledon
Zeledon Gasteizko Andre Maria Zuriaren jaietako pertsonaia nagusia da.[1]
Ekitaldia
[aldatu | aldatu iturburu kodea]Ekitaldia abuztuaren 4ko arratsaldean egiten da Gasteizko Andre Mari Zuriaren enparantzan. Txupinazoa bota ondoren, San Migel elizatik Zeledonen panpina jaisten da eta gero Zeledonez egiten duen pertsona agertzen da, plaza guztia zeharkatuz. Abuztuaren 10ean, elizara igotzen da, jaiari amaiera emanez.
Historia
[aldatu | aldatu iturburu kodea]Zeledon pertsonaia Zeledonio Alzola-n oinarrituta dago. Zeledoniok, urtero Andre Maria Zuriaren festetan parte hartzen zuen eta ingurukoak parte hartzera gonbidatzen zituen. Hil zenean, bere falta sumatu zuten gasteiztarrek. Orduan, 1957an, Gasteizko bederatzi gaztek elizatik udaletxeko teilatura Zeledon irudikatzen zuen panpina bota zuten Zeledonioren omenez. Ohitura hori gaur egun arte mantendu da.
Zeledonez egin duten pertsonaiak
[aldatu | aldatu iturburu kodea]| Izena | Urteak |
| Jose Luis Isasi Montalban | 1957-1975 eta 1977-1979 |
| Enrique Orive Galindo | 1976 |
| Iñaki Landa | 1980-2000 eta 2007 |
| Gorka Ortiz de Urbina | 2001-gaur egun arte |
Abestia
[aldatu | aldatu iturburu kodea]Zeledon! Etxe berria egin duk!
Zeledon! Balkoian leiho on!
Zeledon! Etxe berria egin duk!
Zeledon! Balkoian leiho on!
Zeledon, Zeledon, Zeledon! Etxe berria egin duk!
Zeledon, Zeledon, Zeledon! Balkoian leiho on!
Jantziak[2][3]
[aldatu | aldatu iturburu kodea]Zeledon blusaz janzten da:
- Txapela
- Zapi urdina
- Blusa urdina
- Alkandora zuria
- Praka urdinak
- Gerriko gorria
- Galtzerdi lodiak
- Abarkak
Erreferentziak
[aldatu | aldatu iturburu kodea]- ↑ Zeledon. 2019-11-24 (Noiz kontsultatua: 2021-04-20).
- ↑ nortexpres.com (Noiz kontsultatua: 2021-04-20).
- ↑ (Gaztelaniaz) Gatón, Natxo. (2019-08-02). «Celedón: Una tradición que evoluciona» Gasteiz Hoy (Noiz kontsultatua: 2021-04-20).