Txoka
.jpg)
Txoka Fringillidae familiako eta Carduelis generoko eta bere barnean dagoen Acanthis azpigeneroko zenbait txori txikiren izena da. 12 cm inguru luze izaten dira. Itxuraz txantxangorriaren antzekoak dira. Burua handi samarra dute, mokoa labur, sendoa eta isatsa bi puntakoa. Kolorez arreak izaten dira, baina urte-sasoiaren eta sexu-harremanetarako aldien arabera, buru-paparrak gorri edo gorrixkak eta sabelaldea zurixka edo arre zurixka izan dezakete.
Europan, Afrikako iparraldean eta Asiako mendebaldean eta ekialdean bizi dira. Haziak eta intsektuak jaten dituzte batez ere. Txoka espezie ezagunenak hauek dira: txoka arrunta (Acanthis edo Carduelis cannabina), txoka txikia (C. edo A. flammea) eta txoka mokohoria (C. edo A. flavirostris).
Espezieak[aldatu | aldatu iturburu kodea]
- Carduelis cannabina
- Carduelis johannis
- Carduelis yemenensis
- Carduelis hornemanni
- Carduelis flammea
- Carduelis cabaret
- Carduelis flavirostris
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q61356936