Ubre Blanca

Ubre Blanca
Bizitza
Jaiotza	1972
Heriotza	1985 (12/13 urte)
Jarduerak
Jarduerak	dairy cattle (en)

Ubre Blanca (1972 - 1986), gaztelaniaz Errape Zuri, esne-ekoizpen miresgarriagatik ezagun egin zen behi kubatarra izan zen. Kubako Iraultzaren ondoren, Fidel Castrok Kubako nekazaritza modernizatzeko egindako ahaleginak sinbolizatu zituen behiak, beste adibide batzuekin batera: kafe-landaketetan hobekuntza, André Voisinen abeltzaintza arrazionalareko sistema eta mikrojet ureztatzeak.

Behiaren lorpenak[aldatu | aldatu iturburu kodea]

Fidel Castrok Ubre Blancaren ekoizpen miresgarria aipatu izan zuen zenbait hitzalditan, komunismoak abereen hazkuntzan emaitza hobeak lortzen zituela erakusten duelako froga gisa. Gainera, Ubre Blancaren lorpenak sarritan albiste izan ziren Kubako hedabideetan.

Kubako agintarien arabera, Ubre Blancak 109,5 litro esne (lau bider behi arrunt baten ekoizpena) ekoitzi zituen 1982ko urtarrileko egun batez. Ubre Blancak 24.268,9 litro esne ekoiztea lortu zuen 305 egunetan (edoskitze aldi bat), 1982ko otsailaren amaieran.^[1] Bi balentriak errekorren Guinness Liburuak munduko errekor izendatu zituen. Behia Holstein zezen baten eta zebu eme baten arteko gurutzaketa zen.^[2]

1985ean, Ubre Blanca 13 urte inguruko adinarekin hil zen, eragindako heriotzarekin. Granma Alderdi Komunistaren egunkariakorrialde nekrologiko osoa eskaini zopm. Taxidermista kubatarrek Albaitaritzako Zentro Nazionaleko atariko erakusteko kontserbatu zuten gorpua. Bere jaioterrian, Nueva Geronan, marmolezko estatua bat eraiki zuten behiaren omenez. Behia hil zenetik, zientzialari kubatarrak arrakastarik gabe saiatu dira Ubre Zuria klonatzen, izoztutako ehunaren laginak erabiliz.^[3] ^[4]

Sobietar Batasuna desagertu ondorengo kolapso ekonomikoan, 1989tik aurrera, Kubako abelburuak 1980ko 10 milioi abelburuko kopurutik erdira jaitsi ziren.

Erreferentziak[aldatu | aldatu iturburu kodea]

Artikulu hau, osorik edo zatiren batean, gaztelaniazko wikipediako «Ubre Blanca» artikulutik itzulia izan da, 2022-07-26 data duen 144974150 bertsioa oinarritzat hartuta. Sartze-datarik ez duten erreferentziak, edo 2022-07-26 baino lehenago datatuak, jatorrizko artikulutik ekarri dira itzulpenarekin batera.