Xiberoko Botza

Wikipedia, Entziklopedia askea
Jump to navigation Jump to search
Maule 06 xiberoko boza.JPG
Ttittika Rekalt Allande Sokarros kazetari eta idazlearekin, emisoran.

Xiberoko Botza, Zuberoako irrati librea da. 1982an jaio zen, Frantziako gobernuak irrati-kate libreak sortzeko baimena eman zuenean. Euskaraz igortzen du, nagusiki zubereraz.

Historia[aldatu | aldatu iturburu kodea]

1982an sortua, lehen emanaldiak Irabarneko jauregitik eman zituen, harik eta 1985an estudioak Mauleko plazan ezarri zituen arte.[1] 2000 urtean, berriz, handitzeko beharra izan zuten eta dirua biltzeko kanpaina abiatu zuten. "Xiberuak eraik beza botza!" lelopean, Euskal Herriko zazpi probintzietan zehar kantaldiak egin zituzten, musutruk aritu ziren 250 artistaren kolaborazioarekin; Gara egunkariaren laguntzarekin ere "Xiberotarsak kantüz" diska atera zuten.[2] Kanpainaren emaitzarekin, 2000 urtean Victor Hugo karrikaren lehen solairua erosi zuten,[3] bi urte lehenago martxan zegoen Zinka ostatuaren gainean.[4] 2001ean sortutako Arrosa Irrati Sarearen partaidea ere bada.[5]


Jarduera[aldatu | aldatu iturburu kodea]

Hastapen batean euskaltzale eta ezkertiarrek eraiki zuten irrati librearen xedez, orduan monopolioa zuten Sud-Ouest, Miroir eta Radio France irratien bazterketa gainditzeko. Hortakoz ere irekia zen hizkuntza aldetik: euskaraz egitea lehentasuna zuen euskaldunentzako. Euskara ez zekiten laguntzaileentzako, berriz, irekia zen. 1986an Mendililia Irratia hasi zen Xiberoko Botzean parte hartzen ez zutenen eskutik. Geroztik arazorik gabeko Xiberoko berri eta euskal musikak hedatzen ditu Mendililiak. Aldiz, ikastola berri, AEKk, CGT sindikatuak eta beste hainbat borroka eramaten duten taldeak Xiberoko Botza dute hedabide garrantzitsuena.[1]

Taldea[aldatu | aldatu iturburu kodea]

Lole, irratiko lanetan.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

Erreferentziak[aldatu | aldatu iturburu kodea]

  1. a b «Xiberoko Botza – Arrosa» www.arrosasarea.eus . Noiz kontsultatua: 2019-02-25.
  2. «[eu Biba! Xiberua Kultur Ekimena - Xiberoko Botza Irratiaren alde»] www.oocities.org . Noiz kontsultatua: 2019-02-25.
  3. «UDAZKENEAN ZINKA GAINEAN» Argia . Noiz kontsultatua: 2019-02-25.
  4. Zinkak hogei urte, ostatutik elkartera | . Noiz kontsultatua: 2019-02-25.
  5. «IRRATIAK – Arrosa» www.arrosasarea.eus . Noiz kontsultatua: 2019-02-25.