Zarikiegi

Zarikiegi
	Euskal Herria
	San Andres elizaren ikuspegia.
Kokapena
Herrialdea	{{Herrialde info Nafarroa \| herrialde bandera2 \| izena = Nafarroa \| aldaera = \| tamaina = }}
Udalerria	Zizur zendea
Administrazioa
Posta kodea	31190
Herritarra	zarikiegiar
Geografia
Koordenatuak	42°44′51″N 1°43′22″W / 42.7475°N 1.7227777777778°W
Demografia
Biztanleria	178 (2020: −5)

Zarikiegi Zizur Zendeako kontzejua da. 2007ko urtarrilaren 1eko erroldaren arabera, herriak 154 biztanle ditu. Nafarroako hiriburutik hamaika kilometrora dago, Erreniega mendikatearen lehen maldetan eta itsasoaren mailatik 630 metro ingurura.

Inguru naturala eta kokapena

Zarikiegi A-12 errepidearen ekialdean dago, iparraldean Gendulaineko herri hustuarekin egiten du muga, ekialdean Muru-Astrainekin, hegoaldean Erreniega mendiarekin, eta ekialdean Espartza eta Arlegirekin. Azken bi hauek Galar Zendeako kontzejuak dira.

Demografia eta biztanleria

Zarikiegiko biztanleria
2000	2001	2002	2003	2004	2005	2006	2007
48	73	96	106	114	117	139	154

Ondarea

San Andres eliza erromanikoa. XIII. mendean egindako eraikina da eta Donejakue bidea albotik igarotzen denez, historian zehar erromesen geralekua izan da. Eliza nabe bakarrekoa da eta gurutzeria bakaneko harlandua dauka. Portada erromanikoa, landare itxurako kapitelak dauzka alboetan.

Eliza barruan, XVII. mendearen hasierako erretaula nagusi erromanista dago.

Ekonomia

Sakontzeko, irakurri: «Nafarroako parke eolikoak»

Kontzejuaren hegoaldean, Erreniega mendian, Nafarroako gobernuak eraikitako parke eolikoa dago. Parkeak duen instalaturiko potentzia 20,30 megawattekoa da. Parkearen jabea Acciona da gaur egun.