Álvaro Arzú

Wikipedia(e)tik
Hona jo: nabigazioa, Bilatu
Álvaro Arzú
Álvaro Arzú

Coat of arms of Guatemala.svg
Guatemalako 44. presidentea
1996ko urtarrilak 14 – 2000ko urtarrilak 14
Aurrekoa Ramiro de León Carpio
Ondorengoa Alfonso Portillo

1986ko urtarrilak 15 – 1990eko ekainak 30
Aurrekoa Arturo Saravia
Ondorengoa Óscar Berger
Karguan
2004ko urtarrilak 15(e)tik
Aurrekoa Fritz García-Gallont

Jaiotza 1946ko martxoaren 14a (68 urte)
Guatemala Hiria, Guatemala
Alderdi Politikoa Partido de Avanzada Nacional
Lanbidea Enpresagizona, funtzionarioa
Erlijioa Ebanjelismo

Álvaro Enrique Arzú Irigoyen (Guatemalako Hiria, 1946ko martxoaren 14a) guatemalar politikari eta enpresaburua da. 1996-2000 bitartean Guatemalako Errepublikako presidentea izan zen[1].

Biografia[aldatu | aldatu iturburu kodea]

Guatemalako enpresa-munduaren garapenari ekarpen handia egin zion, turismoaren, salerosketaren eta industriaren sektoreetan zenbait enpresa antolatuz eta zuzenduz.

Partido de Avanzada Nacional alderdiaren sortzaileetako bat izan zen, eta alderdi horren idazkari nagusia gero. Guatemalako Hiriko alkate aukeratu zuten 1982ko martxoan, baina estatu-kolpea jo zuten hilabete berean, eta ez zuen kargua hartzerik izan. 1985ean, berriro atera zen alkate, eta 1986tik 1990era bete zuen kargu hori.

1990ean Errepublikako lehendakaritzarako hautagai izan zen, 1991n Kanpo Harremanetarako ministro, eta 1996ko urtarrilean Guatemalako presidente aukeratu zuten. Urte bereko abenduan, helburu garrantzitsu bat lortu zuen: Guatemalako gerrillak, Unión Revolucionaria Nacional de Guatemala (URNG) taldean bilduak, borroka armatua uztea hogeita hamasei urtez gobernuaren aurka borroka egin ondoren eta aginpidea lortzeko bide gisa bozketen bidea aukeratzea. 1997an, Nazioarteko Lankidetzaren Asturiasko Printzea saria jaso zuten Álvaro Arzúk eta URNGk.

2004an Guatemalako Hiriko alkate hautatu zuten, eta ordutik bera dago karguan[1].

Erreferentziak[aldatu | aldatu iturburu kodea]

  1. a b Álvaro Arzú Yrigoyen Cidob.org