Alois Jirasek

Alois Jirasek.

Alois Jirasek (Hronov, Austria-Hungaria, 1851 - Praga, Txekoslovakia, 1930) txekiera idazlea izan zen; Lehen Mundu Gerraren aurreko txekiar eleberrigile garrantzitsuena. Poemak idatzi zituen gaztetan, eta historia eleberriak ondoko urteetan. Txekiar herriaren historiaren aro guztiak ikertu zituen bere lanetan.

Lan nagusiak: Mezi proudy (1891, Korronteen artean), Proti vsem (1894, Mundu guztiaren aurka), Bratrstvo (1899-1908, Anaidia), F.L. Vek (1888-1906) eta Temno (1915, Ilunpeak) haren lan hoberena. Txekiarren estatuaren aldeko sutsua izan zen Jirasek.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.