Apollo 1

Wikipedia(e)tik
Hona jo: nabigazioa, Bilatu
Edward Whitek, Virgil Grissomek eta Roger Chaffeek misioan bizia galdu zuten

Apollo 1 (hasierako izendapena Apollo Saturn-204 eta AS-204) deitua, Apollo programaren tripulaturiko lehenengo misioa izango zen, eta 1967ko otsailaren 21ean espaziora jaurtiketa aurreikusi zen. Hala ere, 1967ko urtarrilaren 27an, hegaldiaren aurreko proba batean sute batek eskifaiako hiru astronautak hil zituen.

Apollo 1 ontziaren eskifaiak buruan Virgil Ivan Grissom komandantea eramango zuen eta baita Edward White eta Roger Chaffee pilotuak ere. Haien ohorean, NASAk Apollo 1 izena eman zion misioari.

Hegaldiaren aurreko probak oxigeno puruaz osaturiko atmosfera presurizatua sortzeko bideratuta zeuden. Baina zirkuitulabur batek txarto isolatutako kable batean, azkar hedatu zen sutea eragin zuen. Sute honek, eztanda baten legez, misioko hiru astronautak hil zituen itota 17 segundotan. Izan ere, ihesaldirako sistema baten gabeziak hondamena areagotu zuen. Osteko ikerketek segurtasun akats larriak aurkitu zituzten, kapsula desmuntatzean hondatutako erremintak aurkitu ziren besteak beste.

Zoritxar honen ostean, NASAk aginte-modulua erabat berdiseinatu behar izan zuen bere erabilpena berma zedin tripulatutako misioetan. Xede honetarako, NASAk Snoopy saria abian jarri zuen, bere langile eta ingeniarien artean segurtasun sistemarik onena saritzeko.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Apollo 1 Aldatu lotura Wikidatan