Arthur Meier Schlesinger
Arthur Meier Schlesinger (Columbus, Ohio, AEB, 1917ko urriaren 15a - Manhattan, New York, 2007ko otsailaren 28a) estatubatuar historialaria izan zen.
Biografia
Harvard Unibertsitatean egin zituen ikasketak. Historia-irakasle izan zen unibertsitate horretan (1946-1961). 1952, 1956 eta 1960. urteetan Alderdi Demokrataren lehendakaritzarako hautagaiaren hautetsien taldeko kidea izan zen. 1960ko irabazleak, John Fitzgerald Kennedyk, lehendakari-kargua bere gain hartu zuzenean, aholkulari berezi izendatu zuen. Geroago, Kennedyren gobernuari buruzko kontakizun bat idatzi zuen: "John F. Kennedyren mila egunak Etxe Zurian" (1965). Liburuak Pulitzer saria irabazi zuen, biografia sailean, 1966. urtean. Kennedyren hilketa gertatu eta hilabete gutxira bere karguaren dimisioa aurkeztu zuen.
1967an New Yorkeko Unibertsitateko humanitate irakasle izendatu zuten. Lanik aipagarrienak: "Jacksonen aroa" (1945; Pulitzer saria irabazitakoa, historia sailean, 1946. urtean); "Roosevelten aroa" (1957-1960, hiru liburukitan); "Itxaropen politika" (1963); "Oinordekotasun mikatza: Vietnam eta amerikar demokrazia" (1967); "Lehendakaritza inperiala" (1973); "Robert Kennedy eta bere garaia" (1978); "Ameriketako historiaren zikloak" (1986).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.