Azal (anatomia)
Azala edo larruazala gizakien eta beste zenbait animaliaren gorputza estaltzen duen kanpoko geruza da. Dermatologia da gizakien azalaren gaixotasunetaz arduratzen den espezialitate medikoa.
Eduki-taula |
[aldatu] Ugaztunen azalaren geruzak
Ugaztunen azalak hiru oinarrizko geruzez osatua dago:
[aldatu] Epidermisa
Epidermisaren izena "epi" eta "dermis" hitzen elkartea da. "Epi" hitzak goiko aldeko esan nahi du. Hortaz, larruazalaren kanpoaldeko geruzak epidermisa du izena. Gain-gaineko zelulak hilda daude, odoletik isolaturik daudelako, eta epidermisak zelula berriak sortzen ditu etengabe hildakoak ordezkatzeko. Zelulen berritze prozesuak hilabete inguru irauten du.
[aldatu] Dermisa
Dermisa, epidermisari itsatsirik dagoen geruza da. Dermisean ukimena eta berotasunaren sentsazioa ahalbidetzen duten hainbat mekanorrezeptore (nerbioen amaiera) daude. Horrez gain, ile-folikuluak, izerdi-guruinak, gantz-guruinak, odol-hodiak eta linfa-hodiak daude.
[aldatu] Hipodermisa
Hipodermisa, berez, ez da larruazalaren atala baina bere funtzioa azala hezurrei edo giharrei itsastea da. Horrez gain, azala odol-hodiez eta nerbioez hornitzen du.
