Guruin

Guruin endokrino nagusiak. Goitik behera: Guruin pineala, hipofisia, tiroidea, timoa, giltzurrungaineko guruinak, pankrea, obarioa eta testikuluak

Guruina, hormonak bezalako substantziak sintetizatzeko funtzioa duen organo bat da, ondoren, substantzia horiek, odolean askatzeko (guruin endokrinoak) eta gorputzeko barrunbe baten barnean edo honen kanpoko azalean (guruin exokrinoa).

Guruinak bi taldetan banatzen dira:

• Endokrinoak: euren produktuak odolean isurtzen dituzte. Bi motatakoak daude:

• • Zelulabakarrak
  • Zelulanitzak: Hauek, beste bi taldetan banatzen dira: trinkoak, non, produktua, ohi hormona bat, zelulen barnean metatzen den, handiaraziz, eta besikalak, non, produktua, zelulekin elkartutako folikuluetan metatzen den.

• Exokrinoak: euren produktuak hodi jariatzaile batetara jariatzen dituzte, eta, honek, aldi berean, bere produktua, organo huts baten argitara zein azalera isurtzen du. Guruin mota hauek hiru taldetan banatzen dira:

• • Apokrinoak: Gorputzeko zelulen zati bat, jariatzean galtzen da. Sarri, guruin apokrino hitz elkartea, izerdi guruinak adierazteko erabiltzen da.
  • Holokrinoak: Zelula oso-osorik desegiten da bere substantziak jariatzeko, bilgor guruinetan bezala.
  • Merokrinoak: zelulek, euren substantziak, exozitosi bidez jariatzen dituzte, mukosa eta serosa guruinetan bezala

Guruin exokrino baten produktu jariatzaile mota, beste hiru taldetan bana daiteke:

• Serosoa: sarri, proteinetan aberatsa den produktu urtsua.
• Mukosoa: Glikoproteina bezalako karbono hidratoetan aberatsa den produktu likatsua
• Sebazeoa: produktu lipidoa

Guruin espezifikoak

• Bartholinen guruina
• Gibela
• Malko guruina
• Ugatza
• Pankrea
• Guruin pineala
• Hipofisia
• Prostata
• Ttu guruina
• Bilgor guruina
• Izerdi guruina
• Giltzurrungaineko guruinak
• Tiroidea
• Parotida guruina