Costa Brava
Wikipedia(e)tik
Costa Brava Kataluniako kostaldearen eremu nagusi eta ezagunenetarikoa da, 214 kilometrotako luzerarekin Gironako probintzian zabaltzen dena Portboutik Blanesera, Alt Emporda, Baix Emporda eta Selva eskualdeak barne hartuz.
Eduki-taula |
[aldatu] Historia
"Costa Brava" izena lehenengo aldiz argitaratu zuen Ferran Agulló poeta eta idazleak "La Veu de Catalunya" egunkarian 1908ko irailaren 12an, kostaldearen zati handi batek eskaintzen duen paisaia harkaiztsu eta malkartsua kontuan hartuta.
1930eko hamarkadan lehenengo bainulariak hasi ziren modu esanguratsu batean hango hondartzak bisitatzen, baina 1950eko eta 1960ko hamarraldietan benetako gorakada gertatu zen, turismo eztanda bihurtuz.
[aldatu] Udalerriak
Iparraldetik hegoaldera hauek dira kostaldeko udalerriak: Portbou, Colera, Llança, El Port de la Selva, Cadaques, Roses, Castello d'Empuries, Sant Pere Pescador, L'Armentera, L'Escala, Torroella de Montgri, Pals, Begur, Palafrugell, Mont-ras, Palamos, Castell-Platja d'Aro, Sant Feliu de Guixols, Tossa de Mar, Lloret de Mar eta Blanes.
[aldatu] Gune babestuak
Ingurune guztiaren %30 inguru babestuta dago, hurrengo toki hauek nabarmentzen direlarik:
- Creuseko lurmuturreko natura parkea.
- Aiguamolls de l'Empordako natura parkea.
- Medas uharteak
- Ses Negres itsas-babesgunea.
- Lorategi botanikoak.
- Hainbat hondartza.
