Itsasertz

Wikipedia(e)tik
Hona jo: nabigazioa, Bilatu
Brasilgo ekialdeko kostaldea (Genipabu hondartza, Rio Grande do Norte).
Itsasertz-ozeano ebaketa: itsasertza-plataforma kontinentala-ezponda kontinentala-itsas hondoa.

Itsasaldea, itsasertza, itsasbazterra, kostaldea edo kosta lurra eta itsasoa elkartzen diren lekua da.[1] Itsasaldien izaera dinamikoa dela eta, ezin da itsasaldearen lerro zehatza finkatu, horrexegatik batzuetan eskualde bat izendatzeko erabiltzen dute.

Jalkinek, itsas-higadurak, eguraldiak, haizeak, olatuek, ekintza biologikoek eta gizonek eragina dute kostaldeen sorrera eta aldaketetan.[2]

Lurreko kontinenteen itsasertzak 312.000 km hartzen ditu, gutxi gorabehera. Historian, itsasertzaren muga aldatu egin da itsas mailak glaziazioetan behera eta epelaldietan gora egin duen heinean. Pleistozeno aroko azken glaziazioan (orain dela 10.000 urte baino lehenago), adibidez, gaur egun baino 122 m beherago zegoen itsas maila. Bestalde, itsasaldeko mendietatik jaisten ziren glaziarrek U formako haran sakonak eratu zituzten eta, izotza urturik, itsas mailak gora egin zuenean urez bete ziren haranak, fiordoak eratuz. Gorabehera horiek eta beste batzuek (higadurak, ur lasterren garraiakinek, lurrikarek eta sumendiek) gaur egungo itsasertzak, labartsuak edo lauak, eratu dituzte.

Erreferentziak[aldatu | aldatu iturburu kodea]

  1.   The American Heritage Dictionary of the English Language (2000), Coast, http://www.bartleby.com/61/43/C0434300.html. Noiz kontsultatua: 2008-12-11 .
  2.   Davidson, Jon P.; Reed, Walter E.; Davis, Paul M. (2002), Exploring Earth: An Introduction to Physical Geology, Upper Saddle River, NJ: Prentice-Hall Inc, ISBN 0130183725, ISBN 978-0-13-018372-9 .
Commonsen badira fitxategi gehiago, gai hau dutenak: Itsasertz Aldatu lotura Wikidatan


Geografia Artikulu hau geografiari buruzko zirriborroa da. Wikipedia lagun dezakezu edukia osatuz.