Datil oker
Datil oker | |
---|---|
Sailkapen zientifikoa | |
Erreinua | Animalia |
Filuma | Mollusca |
Klasea | Bivalvia |
Ordena | Veneroida |
Familia | Pharidae |
Generoa | Ensis |
Espeziea | Ensis ensis Linnaeus, 1758
|
Datil okerra (Ensis ensis) molusku kuskubiko bat da, Pharidae familiakoa. Ipar-mendebaldeko Europan jatorria duen[1] datil hau jateko ona da.
Deskribapena[aldatu | aldatu iturburu kodea]
Bi oskol errektangular luze ditu, estuak eta pixka bat kurbatuak. Oskol biak simetrikoak dira animalia ongi itxi ahal izateko. 10 zentimetro inguruko luzera hartu dezake. Marra elkartzutak ditu, hazkuntza prozesua aierazten dutenak.
Ingelesez Sword razor eta gaztelaniaz Navaja esaten zaio daukan labana itxuragatik.
Banaketa[aldatu | aldatu iturburu kodea]
Europa ipar-mendebaldeko kostaldean aurkitzen da Itsaso Baltikoan eta Norvegian hasi eta Portugal alderaino[2]. Euskal Herriko kostaldean ere badago.
Bizimodua[aldatu | aldatu iturburu kodea]
Eremu neritikoan eta mareateko guneko sedimentuetan aurkitzen da. Itsasgoran sedimentuen azalera hurbiltzen da baina ura jeistean edo arriskua somatzen duenean lurbarnera metro erdiko sakonerara sartzen da. Azkar egiten du tunela[3].
Bi sifoi ditu eta hondarretatik ateratzen ditu. Sifoi batetik ura hartu eta bestetik bota egiten du eta bitartean ura iragazi eta elikadura partikulak xurgatzen ditu[4].
Ugalketa[aldatu | aldatu iturburu kodea]
Udaberrian ugaltzen da eta larbek zooplaktona osatzen dute. Hilabete pasa ondoren lurrera jeitsi eta sustratuan finkatzen da. Hiru urte dituenean heldua da eta 10 urte ere bizi daiteke[3].
Erreferentziak[aldatu | aldatu iturburu kodea]
- ↑ Conchological Society of Great Britain and Ireland[Betiko hautsitako esteka]
- ↑ «Ensis ensis (Linnaeus, 1758) | The Conchological Society of Great Britain and Ireland» www.conchsoc.org (Noiz kontsultatua: 2020-10-06).
- ↑ a b Fish, J.D. eta Fish, S.. (1996). A student’s guide to the seashore (2. edizioa). Cambridge University Press, Cambridge..
- ↑ «ARKive - Razor shell videos, photos and facts - Ensis ensis» web.archive.org 2011-06-18 (Noiz kontsultatua: 2020-10-06).
Kanpo estekak[aldatu | aldatu iturburu kodea]
Artikulu hau biologiari buruzko zirriborroa da. Wikipedia lagun dezakezu edukia osatuz. |