Ernest Burgess

Ernest Burgess
President of the American Sociological Association (en) 1934 - 1934
Bizitza
Jaiotza	Tilbury (en) , 1886ko maiatzaren 16a
Herrialdea	Kanada Ameriketako Estatu Batuak
Heriotza	Chicago, 1966ko abenduaren 27a (80 urte)
Hezkuntza
Heziketa	Chicagoko Unibertsitatea 1913) Doktoretza Kingfisher College (en) 1908) gradu
Tesi zuzendaria	Albion Woodbury Small (en)
Doktorego ikaslea(k)	Albert J. Reiss
Jarduerak
Jarduerak	soziologoa, kriminologoa eta irakaslea
Enplegatzailea(k)	Chicagoko Unibertsitatea University of Kansas (en)
Kidetza	Zientziak Aurrera Egiteko Elkarte Amerikarra

Ernest Watson Burgess (Tilbury, Ontario, Kanada, 1886ko maiatzaren 16a - 1966ko abenduaren 27a) jatorri kanadarreko Estatu Batuetako hiri soziologoa izan zen. Chicagoko Soziologia Eskolako kide izan zen.

Kanadan jaio arren, oso gazte zelarik joan zen Estatu Batuetara. Oklahomako Kingfisher Collegen ikasi zuen lehenik, eta ondoren, bere soziologia ikasketak Chicagoko Unibertsitatean burutu zituen. Azken unibertsitate honetako irakasle bezala arituko da 1916tik aurrera.

Garaiko soziologoen artean aintzatespen handia zuen eta Amerikako Soziologia Elkarteko (American Sociological Association, ASA) 24. lehendakaria izan zen.

Ikerketak

Soziologia modernoaren sortzailetako bat kontsideratzen da, batez ere Estatu Batuetan. Robert E. Park-ekin batera "ekologia soziala" sortzen du, Chicagoko Soziologia Eskolaren babespean.

Interesa handia jarri zuen aldagai estatistikoetan oinarritutako giza portaera aurreikusteko aukeran. Hala, 1929tik aurrera Illinois estatuko baldintzapeko askatasunaren "arrakasta tasa" ikertua zuen. "Burgess metodoa" ospetsu bilakatuko da segituan eta Illinoiseko espetxe sistemak bere gain hartu zuen.

Zentzu honetan, 1939an, ezkontzaren arrakasta baldintzatzen zuten faktoreak ikertzen zituen lan bat publikatu zuen: Predicting Success or Failure in Marriage (Ezkontzaren arrakasta ala porrotaren aurreikuspena). Leonard Cottrell-ekin batera idatzi zuen eta hainbat eztabaida sortu zuen ikerketaren agerpenak, besteak beste, aurreikuspen kalkulua egiterakoan ez zuelako inondik inora kontuan hartzen maitasun sentimendua.

Gune kontzentrikoen eredua

Burgessen gune kontzentrikoen eredua

Robert E. Park-ekin batera, hiria bost gune kontzentrikoen arabera azaldu eta kontzeptualizatu zuen (Concentric ring model):

1. Merkatal distritu nagusi bat erdialdean
2. Eraikin zaharrez inguraturiko trantsizio gunea (etxebizitzak, industriak...)
3. Langileen bizitegi zonaldea (apartamentuak)
4. Bizitegi-auzoen zonaldea
5. Kanpoaldeko aldiriak

Hiria, eboluzioan eta etengabe aldatzen zegoen zerbaiten moduan aztertu zuen, zentzu darwinistan.

Lanak

• Ernest W. Burgess, Robert E. Park: Introduction to Science of the Sociology. 1921, ISBN 0-8371-2356-9 (Internet Archive).
• Ernest W. Burgess, Robert E. Park , Roderick D. McKenzie (Hrsg.): The City. University of Chicago Press, Chicago 1925, ISBN 0-226-64611-4.

Ikus, gainera

• Chicagoko Soziologia Eskola
• Robert E. Park
• Hiri soziologia
• Elkarrekintza sinbolikoa

Kanpo loturak

• (Ingelesez) Bibliografia Amerikako Soziologia Elkarteko webgunean.

• Datuak: Q990849