Gratien Gélinas

Gratien Gélinasen erretratua.

Gratien Gélinas (Saint-Tite, Quebec, 1909ko abenduaren 8a - Montreal, Quebec, 1999ko martxoaren 16a) kanadar antzerkigilea izan zen.

Biografia

Eragin handia izan zuen Quebeceko eta Kanadako kulturan. Haren antzerki-lanik ospetsuena Tit-Coq (1948) da; berak idatzia, gidatua eta antzeztua eta Kanada frankofonoko lehen obra modernotzat hartua. Bigarren Mundu Gerra bukatu ondoren, etxera itzuli eta emaztegaia beste batekin ezkonduta aurkitzen duen gizon baten istorioa da.

Beste lan batzuk: Bousille et les justes (1959) eta Hier les enfants dansaient (1966).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.