Harry Potter eta Suaren Kopa (filma)

Harry Potter eta Suaren Kopa (ingelesez Harry Potter and the Goblet of Fire) 2005eko Mike Newell britainiar zinema zuzendariak zuzendutako fantasiazko filma bat da. J. K. Rowling idazlearen Harry Potter eta Suaren Kopa eleberrian oinarritua dago. Daniel Radcliffe, Rupert Grint, Emma Watson, Michael Gambon, Ralph Fiennes, Brendan Gleeson, Gary Oldman, Miranda Richardson, Alan Rickman, Maggie Smith, Robert Pattinson, Clémence Poésy eta Stanislav Ianevski aktoreek antzeztu zuten.

Argumentua

Udaldean, Munduko Quidditch Txapelketa ospatzen ari direla, Lord Voldemorten (Ralph Fiennes) antzinako jarraitzaileak ziren Heriojaleek txapelketaren egoitza erasotuko dute. Gertakari honek Voldemorten boterea oraindik guztiz desagertu ez dela adierazten du, honi Harryren (Daniel Radcliffe) amesgaiztoak gehitu ezkero, Lord Voldermortenen itzulera berehalakoa izango dela aurreiragartzen da.

Hogwarts ikastetxea Hiru Aztin Txapelketaren egoitza bilakatuko da, Europako hiru magia eskolak elkar lehiatzen diren norgehiagoka, honetan eskola bakoitzeko ordezkari banak urte osoan zehar hiru proba gainditu beharko ditu. Halere, Barty Crouch Jr.-ek (Roger Lloyd-Pack) lehiaketan azpijokoa egin eta azkenean Harry berak ere parte har dezan derrigortuko du, araudiaren arabera adingabea izan eta hiru lehiakidek parte har dezaketen arren. Azken proba Lord Voldemort berpizteko azpijokoa besterik ez da, honela Harry harekin borrokatu eta bietako bat hil dadin.

Aktoreak

• Daniel Radcliffe: Harry Potter.
• Rupert Grint: Ron Weasley
• Emma Watson: Hermione Granger
• Robbie Coltrane: Rubeus Hagrid
• Ralph Fiennes: Lord Voldemort
• Michael Gambon: Albus Dumbledore
• Brendan Gleeson: Alastor Moody
• Jason Isaacs: Lucius Malfoy
• Gary Oldman: Sirius Black
• Miranda Richardson: Rita Skeeter
• Alan Rickman: Severus Snape
• Maggie Smith: Minerva McGonagall
• Roger Lloyd-Pack: Barty Crouch Jr.
• Timothy Spall: Peter Pettigrew
• Frances de la Tour: Olympe Maxime
• Robert Pattinson: Cedric Diggory (Hogwartseko txapelduna)
• Stanislav Ianevski: Victor Krum (Durmstrangeko txapelduna)
• Clémence Poésy: Fleur Delacour (Beauxbatonseko txapelduna)

Ikus gainera

• Harry Potter eta Suaren Kopa

Kanpo loturak

• Harry Potter eta Suaren Kopa filmaren trailer edo iragarkia ikusgai. Youtube.com (Ingelesez)
• Harry Potter eta Suaren Kopa filmaren IMDBko fitxa irakurgai (Ingelesez)
• Filmaren webgunea (Ingelesez)