Hart Crane

Harold Hart Crane (Garretsville, Ohio, 1899ko uztailaren 21a - Karibe itsasoa, 1932ko apirilaren 27a) Estatu Batuetako poeta izan zen. Banaturiko familia batean sortu izanak, hausturaren obsesioa ekarri zion bizitzara. The Bridge (1930, Zubia) bere lehenengo poema-liburuan iraganaren eta etorkizunaren arteko zubi baten antzera irudikatu zuen Amerika berria. The Broken Tower (1932, Dorre hautsia) liburua bere buruaz beste egin baino lehentxeago argitaratu zuen. Frantziako sinbolistak eta Walt Whitmanen poesia miretsi zituen. Amerika berriko mito poetikoa osatzen ahalegindu zen.

Hura hil eta urtebetera argitaratu zen haren poema-bilduma: Collected Poems (1933).

Lan asko idatzi ez bazituen ere —gazterik hil baitzen—, XX. mendeko poeta anglosaxoi honek eragin handia izan du bere garaikideen eta ondorengoen artean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q380723