Henry Augustus Rowland
Wikipedia(e)tik
Henry Augustus Rowland Estatu Batuetako fisikaria izan zen (Honesdale, Pennsylvania, 1848 - Baltimore, 1901). Burdinbide ingeniaria zen, eta Berlinen egin zituen fisikako ikasketak. New Yorkeko unibertsitateko irakasle izendatu zuten 1874an, eta Baltimorekoa 1876an. Irazkortasun magnetikoa aztertu zuen 1873an, eta karga elektriko higikor batek eremu magnetikoa sortzen duela frogatu zuen, eta, bide batez, elektrizitate estatikoa eta dinamikoa zehaztu zituen (1876, Rowlanden saioa). Eguzkiaren espektroa ere aztertu zuen, eta 39 elementu kimiko bereizi zituen hartan.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
