Iban del Campo

Iban del Campo
Bizitza
Jaiotza	Arrasate, 1971 (52/53 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	film-zuzendaria

Iban del Campo (Arrasate, 1971) zinema zuzendari gipuzkoarra da. New Yorkeko burlesque giroaren inguruko dokumental ugari egin ditu. Mondragon Unibertsitatean dokumental klaseak ematen ditu eta Huhezinema lehiaketako koordinatzailea da.

Biografia

Erasmus beka baten bidez Parisko Nouvelle Sorbonne unibertsitatean egin zuen doktoretza eta Bartzelonako Universidad Pompeu Fabran dokumentalgintza masterra egin zuen.

Laburmetraiak egin ditu gehienbat eta hainbat lehiaketatan aurkeztu ditu, esate baterako Kimuak lehiaketan. 2008an New Yorkeko Unibertsitatean dokumental ikastaro bat egin zuen eta "Dirty Martini" eta James "Tigger!" Ferguson ezagutu zituen, New Yorkeko burlesque eta underground giroaren aitzindariak izan zirenak. Bien inguruko dokumentalak egin zituen, lehena 2008an eta bigarrena 2018an.

2019an zuzendu zuen aurreneko film luzea. Donostiako Zinemaldian aurkeztu zuen eta hiru sari jaso zituen; zinemira, izendapen berezia eta Sebastiane saria. New Yorkeko burlesquearen inguruko dokumentala hau ere.

Egindako filmak

• The Gas Man (2002) - laburmetraia, fikzioa
• Un tal Eusebi (2003) - laburmetraia, fikzioa
• Lo bakarrik (2008) - laburmetraia, fikzioa
• Dirty Martini (2009) - dokumentala
• Katebegitik (2011) - laburmetraia, fikzioa
• Tigger! (2016) - dokumentala
• Espedizio handia (2018) - laburmetraia, fikzioa
• Glittering Misfits (2019) - luzemetraia, dokumentala
• Interior Taxi Noche (2020) - laburmetraia, fikzioa
• Serendipia (2021) - laburmetraia, fikzioa

Kanpo estekak

• Zuzendariaren IMDBko fitxa irakurgai (Ingelesez)

• Datuak: Q116292082