Igor Elortza

Wikipedia(e)tik
Hona jo: nabigazioa, Bilatu
Artikulu hau bertsolariari buruzkoa da; beste esanahietarako, ikus «Elortza (argipena)».
Igor Elortza, 2008an.

Igor Elortza Aranoa (Durango, Bizkaia, 1975eko abuztuaren 18a - ) bertsolari txapelduna da.

Biografia[aldatu | aldatu iturburu kodea]

Topografia Ingeniaritzako lizentziaduna den arren, gaur egun sorkuntza arloari emana bizi da, bertsogintzari batik bat. Eskolan hasi zen bertsotan ikasten, Jon Lopategi bertsolariarekin, eta Durangoko Bertso Eskolan jarraitu zuen.

Bizkaian 1990eko hamarkadatik aurrera gertatu zen belaunaldi berritzearen ikurretako bat bihurtu zen. Bertsolari gisa, zenbait esperientzia berritzaile abian jarritakoa da Elortza, bat-bateko bertsoa formatu berrietara eraman nahian: aipagarriena bertso trama da. Bizkaiko Bertsozale Elkarteko Zuzendaritza Batzordeko kide da, eta EHBEren Hedapen Saileko arduradun izan da.

Euskal prentsan iritzi artikuluak ere idatzi izan ditu, eta literatura lanak ere argitaratu izan ditu, gazteentzat batik bat.

Euskal Herriko zenbait musika talderentzako kantuak idatzi ditu, eta abeslari lanetan ere aritu izan da. Bi disko ditu argitaratuak "7 Eskale" taldearekin, eta orain "Gu ta gutarrak" taldean dabil.

Bertsolaritzaren ibilbidea[aldatu | aldatu iturburu kodea]

Lehen urratsak[aldatu | aldatu iturburu kodea]

Lehen plaza Gernika izan zuen 1988an, 13 urterekin, Bizkaiko Eskolarteko Txapelketan. Kobratutako lehen saioa Durangoko bertso-eskolakoekin izan zen, Izurtzan, 1989ko udaberrian, 1.000 pezeta jasoz.

Doinu ekarpenak "Barra iskinan batek" (jasotzaile eta sortzaile) eta "Gure lurrean hedatua da" (2001 txapelketa) izan ditu.

Txapelketak[aldatu | aldatu iturburu kodea]

  • Euskal Herriko Eskolarteko Txapelketa:
    • 1989: txapeldun orde (txikitan).
    • 1990: txapeldun orde (handitan).
    • 1991: txapeldun orde (handitan).
    • 1993: txapeldun (?) (handitan).
    • 1997: gai-jartzaile eta aurkezle.
    • 1998: gai-jartzaile eta aurkezle.
    • 1999: gai-jartzaile eta aurkezle.
    • 2000: gai-jartzaile eta aurkezle.
    • 2001: gai-jartzaile eta aurkezle.
  • Bizkaiko Eskolarteko Txapelketa:
    • 1988: finalista (txikitan)
    • 1989: txapeldun (txikitan)
    • 1990: finalista. Handien mailan
    • 1991: txapeldun orde
    • 1992: finalista (handitan)
    • 1993: txapeldun (handitan).
  • Araba-Bizkaiko txapelketa:
    • 1990 : finalista (seigarren)
    • 1992 : finalista (laugarren)
    • 1994 : finalista (laugarren)
    • 1996 : finalista (hirugarren)
    • 1998: txapelduna.

Lorpenak[aldatu | aldatu iturburu kodea]


Diskografia[aldatu | aldatu iturburu kodea]

"7 Eskale" taldearekin bi disko atera zituen:

"Gu ta Gutarrak" taldearekin Unai Iturriaga tartean, beste disko bat atera dute.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]